Prezıdent «Tatneft» JAQ bas dırektory Naıl Maganovty qabyldady

ASTANA. KAZINFORM - Prezıdent «Tatneft» JAQ bas dırektory Naıl Maganovty qabyldady, dep habarlaıdy Aqordanyń baspasóz qyzmeti.

Memleket basshysyna Qazaqstan Respýblıkasynda birlesken jobalardy júzege asyrý perspektıvasy týraly málimet berildi.

Atap aıtqanda, «Tatneft» Atyraý oblysynda býtadıen jáne odan ónim óndirýge baǵyttalǵan munaı-gaz hımııasy salasyndaǵy strategııalyq ınvestıtsııalyq jobany júzege asyryp jatyr. Atalǵan kásiporyn «QazMunaıGaz» ulttyq kompanııasymen Qazaqstannyń batys óńirindegi kómirsýtegi qorlaryn barlaý jáne óndirý jobalary aıasynda yntymaqtastyq ornatqan. Budan bólek, «Tatneft» qatty paıdaly qazbalar kenin birlese ıgerý isine atsalysyp jatyr.

Qasym-Jomart Toqaev «Tatneft» kompanııasynyń Qazaqstanda munaı-gaz jáne taý-ken ónerkásibin damytý jónindegi bastamalaryn joǵary baǵalap, atalǵan kásiporyn elimizdiń energetıka salasyndaǵy strategııalyq seriktesterdiń biri ekenin atap ótti.

Aıta keteıik, Qazaqstan Prezıdenti Qasym-Jomart Toqaev jumys saparymen Tatarstanda júr.