Prezıdent tarıhı nysandarǵa qasaqana zııan keltirý jaǵdaılaryna alańdaýshylyq tanytty
ASTANA. KAZINFORM — Jabaıy júris-turys pen turpaıy taǵylyqqa, ıaǵnı vandalızmge túbegeıli tosqaýyl qoıýymyz kerek. Bul týraly Aqordada mádenıet jáne óner qyzmetkerlerin marapattaý rásiminde Memleket basshysy Qasym-Jomart Toqaev aıtty.
— Biz oıy ozyq, órkenıetti el bolamyz desek, eń aldymen qoǵamdaǵy kez kelgen mádenıetsiz áreketke, jabaıy júris-turys pen turpaıy taǵylyqqa, ıaǵnı vandalızmge túbegeıli tosqaýyl qoıýymyz kerek. Ókinishke qaraı, sońǵy ýaqytta tarıhı jáne mádenı nysandarǵa qasaqana zııan keltirý jaǵdaılary jıilep ketti, — dedi Prezıdent.
Osy oraıda Memleket basshysy Mańǵystaý oblysynda bolǵan keleńsizdikti mysalǵa keltirdi.
— Mysaly, jaqynda ǵana Mańǵystaý obysynyń Ybyqty saı shatqalynda bolǵan oqıǵa boıynsha tıisti ókiletti organdar qatań qorytyndy shyǵarýy kerek. Biz tutas qoǵam bolyp osyndaı zańsyz áreketterge úzildi-kesildi qarsy turýymyz qajet, — dedi Qasym-Jomart Toqaev.
Buǵan deıin Prezıdent dástúrli ónerdi dáriptep júrgen ónerpazdarǵa «Altyn mura» ulttyq syılyǵyn taǵaıyndaıtynyn jazǵan edik.
