Prezıdent «Tarıhı-mádenı mura obektilerin qorǵaý týraly» zańǵa qol qoıdy
ASTANA. KAZINFORM — Memleket basshysy «Qazaqstan Respýblıkasynyń keıbir zańnamalyq aktilerine tarıhı-mádenı mura obektilerin qorǵaý jáne bilim berý-saýyqtyrý qyzmetteri máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy. Bul týraly Aqordanyń baspasóz qyzmeti habarlady.
Qujat birneshe sharalardy qarastyrady, sonyń ishinde:
tarıhı-mádenı mura nysandaryn qorǵaý jáne paıdalaný salasyndaǵy lıtsenzııalaý júıesin jetildirý jáne biliktilik talaptaryn aıqyndaý;
Ulttyq arheologııalyq qyzmettiń jumys isteý tártibi men arheologııalyq jumystardy úılestirý quzyretin bekitý;
arheologııalyq jumystar boıynsha biryńǵaı avtomattandyrylǵan aqparattyq júıe qurý;
tarıhı-mádenı saraptama qorytyndysyn eskere otyryp jer ýchaskelerin berý tártibin naqtylaý;
arheologııalyq oljalar men materıaldardy tabystaý, saqtaý jáne paıdalaný tártibin, Ulttyq depozıtarıı qurý arqyly retteý;
josparly jáne jospardan tys arheologııalyq jumystardy bólý jáne olardy júrgizýge birkelki talaptar engizý.
Atalǵan ózgerister arheologııalyq qyzmetti júıeleýge jáne tarıhı-mádenı mura nysandaryn saqtaý kepildigin qamtamasyz etýge baǵyttalǵan.
Eske sala keteıik, buǵan deıin Prezıdent Oljas Bektenovke kólik ınfraqurylymyn jańǵyrtý boıynsha birqatar mindet júktegenin jazǵan edik.
