Memleket basshysy Tarazdaǵy áskerı mektep-ınternatqa bardy
TARAZ. KAZINFORM — Qasym-Jomart Toqaev Jambyl oblysyna jumys sapary aıasynda mamandandyrylǵan áskerı mektep-ınternatynyń qyzmetimen tanysty. Bul týraly Aqordanyń baspasóz qyzmeti málim etti.
Memleket basshysy oqý kabınetteri men sport zalyn aralap kórdi.
Prezıdentke mekemede 180 bala bilim alyp, ınternatta turatyny jóninde baıandaldy.
Mektep jas óskinderge bilim berip, tegin tamaqtandyrady ári turǵynjaımen qamtamasyz etedi.
Oqý baǵdarlamasy 7-11 synyptarǵa arnalǵan.
Bilim oshaǵynyń negizgi maqsaty — keleshektegi Otan qorǵaýshylardy daıarlaý, olarǵa áskerı-patrıottyq tárbıe berý.
Áskerı ınternatta kýrsanttar sabaqtan tys ýaqytta robotty tehnıka, drondy basqarý, jasandy ıntellekt úıirmelerine qatysady.
Bolashaq áskerı qyzmetshilerge aǵylshyn tili tereńdetip oqytylady.
— Qasym-Jomart Toqaev oqýshylarmen áńgimelesip, memleket tarapynan áskerı bilim berý júıesin damytýǵa erekshe nazar aýdarylyp otyrǵanyn atap ótti. Іs-shara sońynda Memleket basshysy bilim oshaǵyna Baýyrjan Momyshulynyń portretin jáne elimizde qurastyrylǵan mektep avtobýsyn syıǵa tartty, — delingen habarlamada.
Osyǵan deıin Jambyl oblysynyń bir top azamaty memlekettik nagradalarmen marapattalǵanyn jazǵan edik.