Prezıdent tapsyrmasy: Zorlyq-zombylyqty tergeıtin toptyń quramyna áıel tergeýshiler alyndy

NUR-SULTAN. QazAqparat – Prezıdent Qasym-Jomart Toqaevtyń Ulttyq qoǵamdyq senim keńesiniń aqpan aıyndaǵy otyrysynda aıtqan taǵy bir tapsyrmasy iske asty, dep habarlaıdy QazAqparat.

Bul týraly Memleket basshysynyń baspasóz hatshysy Berik Ýálı Facebook paraqshasynda jazdy.

«Áıelder men balalarǵa qarsy jasalǵan zorlyq-zombylyq qylmystardy tergeıtin toptardyń quramyna arnaıy tergeýshi áıelderdi engizý kerek. Bul jábirlenýshige qatysty teris áreketterdiń aldyn alýǵa múmkindik beredi», - degen bolatyn Prezıdent Ulttyq keńes otyrysynda.

Berik Ýálıdiń jazýynsha, búginde polıtsııa departamentterinde turaqty jumys isteıtin jedel-tergeý toptary qurylyp, olardyń quramyna tergeýshi áıelder alynǵan.

«Áıelder men kámeleketke tolmaǵandarǵa qatysty jasalǵan jynystyq qylmystardy ashý jáne tergeý jónindegi osyndaı toptardyń jumysyn uıymdastyrý týraly ereje bekitildi. Jeke adamǵa qarsy qylmystardy tergeý jónindegi qalalyq jáne aýdandyq basqarmalardyń, sondaı-aq, polıtsııa departamentteriniń tergeý basqarmalarynyń bólimshelerinde áıelder men kámeltke tolmaǵandarǵa qatystyq zorlyq-zombylyq qylmystardy tergeý toptary quryldy. Olardyń quramyna tergeýshi áıelder engizildi», - dep jazdy Prezıenttiń baspasóz hatshysy.