Prezıdent tapsyrmasy: Jergilikti qamtýǵa qatysty óńirlerde tekserý ótkiziledi

NUR-SULTAN. QazAqparat – Jergilikti qamtýǵa qatysty óńirlerde kóshpeli tekserýler ótkiziledi. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

Onyń aıtýynsha, Prezıdenttiń jergilikti qamtý úlesine qatysty synyna oraı óńirlerge kóshpeli tekserýler uıymdastyrý úshin memlekettik organdardyń ókilderimen Jumys toby uıymdastyrylady. Otandyq taýarlardyń, jumystar men qyzmetterdiń qoldanylýyn rastaıtyn barlyq konkýrstyq qujattar tekseriledi.

«Búgingi tańda jergilikti qamtý úlesiniń kórsetkishteri Pavlodar, Aqtóbe, Batys Qazaqstan oblystarynda tómen bolyp otyr. Bul rette, óńirlerge qatysty naqty kórinisti tekserý qorytyndylary boıynsha kóremiz», - dedi ol.

Mınıstr Jumyspen qamtý jol kartasynyń aıasynda 7 óńirde otandyq ónimderdi qoldaný kórsetkishi 90 paıyzdan tómen ekendigin basa aıtty.

«Atap aıtqanda, Almaty, Qyzylorda, Mańǵystaý (80%), Qostanaı, Pavlodar oblystarynda jáne Shymkent, Nur-Sultan qalalarynda», - dedi Beıbit Atamqulov.