Prezıdent tapsyrmasy: Jas talanttardy qoldaý maqsatynda Mádenıet qory ashylady

NUR-SULTAN. QazAqparat – Qazaqstan Prezıdenti Qasym-Jomart Toqaev shyǵarmashylyq bastamalardy qoldaý maqsatynda Mádenıet qoryn ashý týraly tapsyrma bergenin málimdedi, dep habarlaıdy QazAqparat tilshisi.

«Volonterler elimizdiń rýhanı áleýetin arttyrýǵa úles qosýy tıis. Mádenıetimizdi damytpaı, ósip-órkendeý múmkin emes. Sondyqtan osy máselege erekshe mán berýimiz qajet. Qazirgi tańda mádenıet jáne óner salasynda jas talanttardyń arqasynda Qazaqstan kúlli álemge tanylyp keledi. Biz osy baǵytta júıeli jumys júrgizýimiz kerek. ıAǵnı oıy ushqyr ári daryndy azamattardy barynsha qoldaý qajet. Sonda ǵana tól mádenıetimizdi jańa beleske kóteretin býyn qalyptasady», - dedi Memleket basshysy elordadaǵy «Birgemiz» respýblıkalyq front-keńsesiniń ashylý saltanatynda.

Prezıdent shyǵarmashylyq bastamalardy qoldaý maqsatynda Mádenıet qoryn ashý týraly tapsyrma bergenin aıtyp ótti.

«Bul qurylym – shyǵarmashylyq odaqtarǵa, áleýetti jobalarǵa qarjylyq jáne basqa da baǵyttaǵy kómekterdi beredi. Qordyń jumysyna volonterlerdi de tartý qajet. Olar mýzeı, kitaphana, óner mekemelerinde ózderiniń jobalaryn júzege asyra alady. Osy sharalar elimizdiń shyǵarmashylyq áleýetin nyǵaıtýǵa mol múmkindik beredi», - dedi ol.

Aıta ketsek, Prezıdent Qasym-Jomart Toqaev elordada EKSPO kórmesiniń «Art Hub» pavılonynda ornalasqan volonterlerdiń «Birgemiz» respýblıkalyq front-keńsesiniń ashylý saltanatyna qatysty. Front-keńse búkil Qazaqstannyń volonterleri úshin keńes berý, ádistemelik, oqytý jáne aqparattyq ortalyqqa aınalatyn bolady. Sondaı-aq, ol volonterlik jobalar men oqytý baǵdarlamalaryn úılestirý, monıtorıng jasaý, volonterlikti ilgeriletý boıynsha biryńǵaı aqparattyq saıasatty júrgizedi jáne biryńǵaı Call-ortalyqtyń jumysyn uıymdastyrady.