Prezıdent tapsyrmasy: ShQO-da ózen-kólderdiń jaǵalaýynda reıd júrip jatyr
Ótken jyldyń 10 shildesinde Úkimettiń keńeıtilgen otyrysynda Qazaqstan Respýblıkasynyń Prezıdenti Qasym-Jomart Toqaev ruqsat etilmegen jerlerge qoqys tastaýdyń aldyn alý jáne turǵyndar arasynda ekologııalyq mádenıetti qalyptastyrý qajettigi jaıly aıtqan bolatyn.
Osyǵan oraı QR Ekologııa, geologııa jáne tabıǵı resýrstar mınıstriniń tapsyrmasymen Shyǵys Qazaqstan oblysynyń rekreatsııalyq aımaqtaryndaǵy stıhııalyq qoqys úıindilerin joıý maqsatynda reıd júrgizildi.
«Shúlbi sý qoımasy men Semeı qalasyndaǵy Ertis ózeniniń jaǵalaýlarynda tabıǵat qorǵaý polıtseıleri demalýshylarǵa túsindirý jumystaryn júrgizdi. Budan bólek, jergilikti polıtsııa qyzmetiniń saqshylary qoǵamdyq oryndarda qoqys tastaǵandardyń ákimshilik jaýapkershilikke tartylatyndyǵyn jetkizdi. Osyndaı faktilerdiń aldyn alý maqsatynda 2021 jyldyń 1 shildesinen bastap jeke tulǵalarǵa salynatyn aıyppul mólsheri 10-nan 50 AEK-ke deıin kóbeıtildi», - dep habarlady ShQO ekologııa departamentiniń baspasóz qyzmeti.
Sondaı-aq reıd barysynda QR ÁQBtK-niń 505-babyn (Qalalar men eldi mekenderdiń aýmaqtaryn abattandyrý qaǵıdalaryn buzý) jáne 434-baby 2-bóligin (Ortaq paıdalanylatyn oryndardy lastaý) buzǵan 4 adamǵa ákimshilik hattama toltyrylǵan.
Aldaǵy ýaqytta osyndaı reıdter Sibe kólderinde, Dýbyǵaly, Shybyndykól, Shoshqaly, Alakól jáne Buqtyrma sý qoımasynda ótkizilmek.
