Prezıdent tapsyrmasy: Ońtústik Qazaqstan memlekettik ýnıversıteti shákirtaqyny kóbeıtti
Joǵary oqý orny QR Prezıdenti Qasym-Jomart Toqaevtyń ýnıversıtet pen kolledj stýdentteriniń shákirtaqysyn 25 paıyzǵa ósirý týraly tapsyrmasyn oryndaýda, dep habarlaıdy QazAqparat tilshisi.
Búginde ýnıversıtet stýdentteri men magıstranttarynyń, sondaı-aq doktarantýrada oqıtyn jastardyń stıpendııasy ósti. Búginde OQMÝ-de oqıtyn 28 myń jastyń 17 myńy osy jeńildikke ıe boldy.
«Byltyrǵy shákirtaqym 20 100 teńge bolatyn, qańtar aıynda 26180 teńge aldym. Bul bizdiń oqýǵa degen qulshynymyzdy arttyryp, belsendiligimizdi kúsheıtedi. Biz buǵan qýanyshtymyz»,- deıdi «Aqparattyq tehnologııalar jáne energetıka» fakýltetiniń 3 kýrs stýdenti Ahmadı Otynshıev.
Ýnıversıtettiń «Jastar ortalyǵyna» jınalǵan tálimgerlerdi rektor Darııa Qojamjarova quttyqtap, aldaǵy josparlarymen bólisti.
«Oqý ornynyń qarjylyq-ekonomıkalyq áleýetin únemdeı otyryp, stýdentter men magıstrant, doktaranttardyń shákirtaqysyn 25 paıyzǵa kóbeıttik. Búgingi tańda stýdentterdiń birqatary bul qarjyǵa qol jetkizip te úlgerdi. Qazirgi tańda ýnıversıtetimiz eń basty máseleni bilim sapasyna jáne dıplom alǵan soń jumyspen qamtylý jaǵyna asa mán berip otyr. Sondyqtan teorııamen qatar óndiriske erekshe den qoıylǵan. Jýyrda ashylǵan óndiris bazasynan stýdentterimiz kóp nárseni úırenedi degen oıdamyz. Stýdentterdiń áleýmetik jaǵdaıyna mán bergende ǵana sapaly bilim bolatynyn túsinemiz» -dedi Darııa Perneshqyzy.
