Prezıdent tapsyrmasy: Oqýlyqtardyń elektrondy nusqasyn tegin paıdalanýǵa bolady

NUR-SULTAN. QazAqparat –Qazaqstan Prezıdenti Qasym-Jomart Toqaevtyń bilim salasyna qatysty tapsyrmalary oryndaldy. Bul týraly QR Prezıdenti Teleradıokesheniniń telegram kanalynda jarııalandy, dep habarlaıdy QazAqparat tilshisi.

Qashyqtan oqý júıesine kóshken kezdegi eń mańyzdy quraldyń biri - elektrondy oqýlyqtar bolmaq. Osy oraıda Memleket basshysy Qasym-Jomart Toqaevtyń Ulttyq qoǵamdyq senim keńesiniń úshinshi otyrysynda Bilim jáne ǵylym mınıstrligine oqýlyqtardy vedomstvonyń aqysyz quqyqtaryn bekitip bere otyryp, olardy kezeń-kezeńimen tsıfrlyq formatqa kóshirý josparyn ázirleýdi tapsyrǵan bolatyn.

Bul turǵyda otandyq baspalarmen oqýlyqtardyń elektrondy nusqalaryn aqysyz paıdalaný máselesi kelisildi. 1-11 synyptarǵa arnalǵan barlyq elektrondy oqýlyqtar Bilim jáne ǵylym mınıstrliginiń saıtynda jarııalandy.

Budan bólek, tehnıkalyq jáne kásiptik bilim berý júıesinde koldedjderdiń 100 paıyzy otyzdan astam platformaǵa qol jetkize alady.

21 myńnan astam tsıfrlyq resýrstardy qamtıtyn katalog quryldy:

- 12 368 beınesabaq;

- 3 848 elektrondy oqýlyq;

- 5 771 qosymsha materıal,

Atap aıtqanda, 30 368 ustaz ІT -quzireti boıynsha biliktiligin arttyrdy.

Qashyqtan oqý platformalary men baǵdarlamalaryn paıdalana otyryp 20-dan astam nusqaýlyq ázirlendi.