Prezıdent tapsyrmasy: Qylmystyq kodekske «qylmysqa arandatý» degen bap engiziledi
«Memleket basshysynyń 2019 jylǵy 2 qyrkúıektegi Qazaqstan halqyna Joldaýynda aıtylǵan tapsyrmasyn oryndaý úshin Zańda jedel-izdestirý qyzmetin nemese sotqa deıingi tergep-tekserýdi júzege asyratyn laýazymdy adamdardyń qylmystardy arandatqany úshin qylmystyq jaýapkershilik kózdelgen. Qylmystyq kodekske «qylmysqa arandatý» degen 412-1-bap engiziledi. Ol tek paraqorlyqpen shektelmeı, kez kelgen qylmysty qamtıtyn bolady. Bul rette, jedel-izdestirý qyzmetin nemese sotqa deıingi tergep-tekserýdi júzege asyratyn laýazymdy adamnyń keıinnen áshkereleý jáne qylmystyq jaýapqa tartý nemese bopsalaý maqsatynda adamdy qylmys jasaýǵa kóndirgen zańsyz áreketteri, qylmystyń arandatýyna jatady», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, atalǵan bap áreketterdiń aýyrlyǵyna jáne saldaryna baılanysty úsh bólikten turady. Zańsyz áreketterdiń zorlyq-zombylyqpen ne kúsh qoldaný áreketimen ushtasqanyna, múliktiń joıylýyna nemese búlinýine ákep soqqanyna ne adamnyń materıaldyq nemese ózge de táýeldiligin paıdalana otyryp jasalǵanyna, qylmystyq toptyń múddelerinde jasalǵanyna ne olar ózge de aýyr zardaptarǵa ákep soqqanyna qaraı jaza taǵaıyndalatyn bolady. Jazanyń eń tómengi merzimi – 7 jylǵa deıingi merzimge belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp, 3 jyl bas bostandyǵynan aıyrý. Eń joǵarǵy sanktsııa – belgili bir laýazymdardy atqarý nemese belgili bir qyzmetpen aınalysý quqyǵynan 10 jyl merzimge aıyra otyryp, 12 jylǵa bas bostandyǵynan aıyrý.
«Osy túzetýdi qabyldaý, azamattardyń konstıtýtsııalyq quqyqtaryn qorǵaýdy kúsheıtýge yqpal etedi. Laýazymdy tulǵalardyń zańsyz is-áreketterine qosymsha tosqaýyl bolady», - dedi Oljas Bektenov.
