Prezıdent tapsyrmasy: Qazaqstanda jol salý men jóndeýdiń keshendi jospary ázirlenip jatyr
«Memleket basshysynyń synynan keıin biz joldyń sapasyna mán berýdi erekshe qolǵa aldyq. Ol úshin búginde joldy salý men jóndeýdiń keshendi jospary ázirlený ústinde. ıAǵnı, zańnamalyq, tehnıkalyq jáne normatıvtik aktiler qaıta qaralady. Endigi ýaqytta oryndalǵan jumystyń sapasy qatań baqylanady. Onyń ishinde jol qurylysy materıaldarynyń sapasyna da mán beriledi. Qazir elimizde salynyp jatqan barlyq jol ýchaskelerinde jumys barysyn baqylaıtyn attestattalǵan zerthanalar bar», - dedi T. Smaǵulov.
Onyń aıtýynsha, búginde jol salatyn merdiger kompanııalarǵa qoıylatyn talap qatańdatylyp jatyr.
«Sonymen qatar, jol salý men jóndeý barysyn baqylap, tekserý maqsatynda otandyq mamandarmen qatar, sheteldik mamandardy da tartyp jatyrmyz. Odan bólek, mınıstrlikke qarasty jol aktıvteri ulttyq saraptama ortalyǵy jumys isteıdi. Bul mekeme elimizdegi joldardyń salynýy men sapasyn tikeleı ári táýelsiz qadaǵalaıdy», - deıdi ol.
Eske sala ketsek, bıyl sáýir aıynda Prezıdent synynan keıin jumysyn durys atqarmaǵany úshin «QazAvtoJol» ulttyq kompanııasy AQ basqarma tóraǵasy Ulan Álipov qyzmetinen bosatyldy.
Sondaı-aq, Memleket basshysy Qasym-Jomart Toqaev Úkimetke respýblıkalyq jáne jergilikti joldardyń jaǵdaıyn jaqsartý jóninde keshendi sharalar qabyldaýdy tapsyrdy.
