Prezıdent tapsyrmasy: Qazaqstanda bilim berý salasyn basqarý júıesi ózgerdi
NUR-SULTAN. QazAqparat – 2021 jyldan bastap elimizde bilim berý salasyn basqarý júıesi ózgerdi, dep habarlaıdy QazAqparat tilshisi.
QR Prezıdenti Qasym-Jomart Toqaevtyń tapsyrmasymen bilim berý salasyn basqarý júıesin ózgertetin tıisti zań qabyldandy. Endi 2021 jyldan bastap aýdandyq jáne qalalyq bilim berý bólimderin qarjylandyrý jáne basqarý quzyreti oblystyq bilim berý basqarmalaryna beriledi, ıaǵnı bul mektepter men balabaqshalarǵa da qatysty. Bul – jalpy bilim berý salasy úshin óte mańyzdy qadam.
Jańa júıege qatysty pikir bildirgen QR Bilim jáne ǵylym mınıstri Ashat Aımaǵambetovtiń aıtýynsha, buǵan deıin bilim basqarlamalary ákimdikterge baǵynatyn mektepter men balabaqshalarǵa is júzinde áser ete almaıdy. Al Bilim jáne ǵylym mınıstrligi óz kezeginde olarǵa tek janama túrde, Memlekettik jalpyǵa mindetti bilim berý standarty, oqý baǵdarlamalary men NQA arqyly yqpal ete alady.
«Sondyqtan endi mektepter men balabaqshalar oblysta bir ortalyqtan ǵana basqarylsa, qarjylandyrýdy teńestirý jáne arttyrý máseleleri keshendi túrde sheshiledi. Bul shaǵyn bıýdjeti tek eńbekaqy tóleý qoryna ǵana jetetin aýdandar úshin de óte qolaıly bolady. Bul – jaqyn arada júıemizdi áldeqaıda tıimdi etetin bilim berý salasyndaǵy qajet sheshim», - degen edi mınıstr.
