Prezıdent tapsyrmasy: Qaraǵandyda jol jóndeý jumystary tekserildi
QARAǴANDY. QazAqparat - Qaraǵandynyń ákimi Ermaǵanbet Bólekpaev qaladaǵy jol jóndeý jumystaryn tekserdi, dep habarlaıdy QazAqparat.
Maıqudyqtaǵy Karl Marks – Magnıtogorskaıa kóshesindegi jol jumystarynyń barysyn Qaraǵandy ákimi Ermaǵanbet Bólekpaev tekserdi. Búgingi kúni joldy qalpyna keltirý jumystaryna 60 adam jáne 50 birlik tehnıka tartyldy.
Merdiger bıylǵy jyly Kógildir toǵan shaǵyn aýdanynda jóndeýdi tolyq aıaqtaıdy.
Qazir jol qurylysshylary Vınnıtskaıa kóshesinde asfalt tóseý úshin negiz daıyndaýda. Sodan keıin asfalttyń úsh qabatyn tósep, búıir tastar ornatylady. Jaıaý júrginshiler joly jasalady. Sondaı-aq, jaryqtandyrý tirekteri ornatylyp, avtobýs aıaldamalary, baǵdarshamdar jáne t. b. aýystyrylady.
Qaraǵandy qalasyna jumys sapary barysynda qala basshysy 7-shi magıstraldyń kúrdeli jóndelýin tekserdi. Onda jańa sý qubyrlary salynyp, asfalt negizi ózgertilip, onyń úsh qabaty odan ári retteledi.
Ákim Kamalı Dúısembekov kóshesine de bardy. Onda avtojol qurylysy aıaqtalatyny belgili. Onyń uzyndyǵy - 1,7 shaqyrym. Jumystar 98%-ǵa aıaqtaldy.
Sondaı-aq, Qaraǵandyda kepildik berilgen joldardy jóndeý jumystary bastaldy. Jalpy, qalada 118 jol bar, onyń 80-i bıyl aıaqtalady. Qazir mamandar bul joldardy aralap shyǵyp, jol tósemeleriniń jaǵdaıyn tekserýdi jalǵastyrýda. Búgingi tańda 19 ýchaskede aqaýlar anyqtaldy. Merdigerler olardyń barlyǵyn joıýy tıis.
Eske sala ketsek, QR Prezıdenti 9 sáýirde jyl saıyn jóndeýdi qajet etetin sapasyz jasalǵan joldardy synǵa alyp, Úkimetke, ákimder men quqyq qorǵaý organdaryna jaǵdaıdy retteý úshin júıeli sharalar qabyldaýdy tapsyrǵan edi. Sonymen qatar, jol jóndeýdegi jumysty bosańsytqany úshin birqatar sheneýnik qyzmetinen bosatyldy.
