Prezıdent tapsyrmasy: Elordalyq kompanııalar konsaltıngtik shyǵyndaryn 40 paıyzǵa azaıtty
NUR-SULTAN. QazAqparat – Elordalyq kompanııalar konsaltıngtik shyǵyndaryn 40 paıyzǵa azaıtty. Bul týraly QazAqparat Energyprom.kz portalyna silteme jasap habarlaıdy.
QR Prezıdent Qasym-Jomart Toqaevtyń bıýdjet esebinen tólenetin konsaltıngtik jáne ımıdjdik shyǵyndardy qysqartý týraly tapsyrmasy iske asa bastady. Osy oraıda Energyprom.kz portaly eldegi bas kompanııalardyń shyǵynyna taldaý jasap kórgen eken.
Eldegi kompanııalar keńes berý jáne basqarý qyzmetine 6 aıdyń ishinde 123,6 mlrd teńge jumsaǵan. Bul ótken jylǵy kezeńmen salystyrǵanda 26,2 paıyzǵa tómen. Qyzmet kórsetý shyǵyndarynyń 90,8 paıyzy úsh óńirge tıesili. Atyraý oblysy bul maqsatqa 8,2 mlrd teńge, Almaty qalasy 35,1 mlrd teńge, Nur-Sultan qalasy 68,9 mlrd teńge jumsaǵan. Elordanyń bul baǵyttaǵy shyǵynyn jalpy shyǵynnyń 55,7 paıyzyna teń. Degenmen, byltyr astanalyq kompanııalar konsaltıngke budan 41 paıyz kóp qarjy shyǵyndaǵan.
«Sektordaǵy qyzmetterdiń jıyntyq kóleminen ındýstrııalyq-ınnovatsııalyq damýdyń memlekettik saıasatyn iske asyrýǵa baılanysty bas kompanııalardyń qyzmeti nebári 1,4 paıyzdy quraıdy. Alkontsessııalyq jobalar men memlekettik-jekeshelik áriptestik jobalaryna keńes alý shyǵyny 0,8 paıyzǵa teń.
Shyǵynnyń kóbi kommertsııalyq qyzmet pen basqarý máseleleri boıynsha keńes alýǵa ketken. Aqshaǵa shaqqanda bul 72,2 mlrd teńge», - dep jazady Energyprom.kz.
