Prezıdent tapsyrmasy: El aýmaǵyndaǵy qoqys úıindileri máselesi qalaı sheshiledi
«Jyl ótken saıyn zańsyz qoqys oryndary kóbeıip barady. Shyny kerek, bul máseleniń sheshimi áli tabylmaı keledi. «Qazaqstan Ǵarysh Sapary» kompanııasynyń ǵaryshtyq monıtorıngi sheńberinde 11 shildedegi jaǵdaı boıynsha 7,5 myńnan astam osyndaı qoqys orny anyqtaldy. Biz ákimdiktermen birlesip olardy joıý josparyn ázirledik», - dedi dedi Maǵzum Myrzaǵalıev Úkimet otyrysynda.
Osy rette mınıstr Úkimet basshysynan ákimdikterge bir aı merzim ishinde zańsyz qoqystardy joıýdy tapsyrýdy surady.
«Budan basqa jańa zańsyz qoqys oryndarynyń paıda bolýyna barynsha jol bermeý qajet. Ol úshin qoǵamdyq reıdter ótkizip, anyqtalǵan faktilerdi jurtqa jarııa etýdi usynamyz. Alaıda osy máseleni júıeli túrde sheshý úshin jańa Ekologııalyq kodekste qoqys shyǵaratyn kólikterge GPS - datchıkterdi mindetti túrde ornatý sharalary kózdeldi. Óz kezeginde qoqys shyǵarý tarıfteriniń tómendiginen qoqys óńdeý salasy ınvestorlardyń asa bir qyzyǵýshylyǵyn týdyrmaıdy. Osyǵan oraı Memleket basshysynyń «Waste to energy» tehnologııasyn engizý maqsatynda zańǵa tıisti ózgerister engizilýde», - dedi ol.
Maǵzum Myrzaǵalıevtiń aıtýynsha, Májilis zańǵa túzetýlerdi maquldaǵan.
«Kúzde ol Senattyń qaraýynda bolady. Zań qabyldanǵannan keıin biz alǵashqy aýktsıondardy ótkizýdi josparlap otyrmyz. Osy júıe kelesi algorıtm boıynsha jumys isteıtin bolady: órtelgen qoqystan shyqqan elektr energııasyna eń az baǵany kim usynsa, sol zaýyt qurylysyn júzege asyrady. Alǵashqy aýktsıondardy kelesi jyly ótkizýdi josparlaýdamyz. Ol úshin alty qala - Aqtóbe, Almaty, Atyraý, Nur-Sultan, Taraz jáne Shymkent tańdalyp alyndy», - dedi ol.
Eske sala ketsek, Úkimettiń keńeıtilgen otyrysynda QR Prezıdenti Qasym-Jomart Toqaev Ekologııa, geologııa jáne tabıǵı resýrstar mınıstrligine eldi mekender mańyndaǵy qoqys úıindisi máselesin sheshýdi tapsyrǵan bolatyn.
