Prezıdent tapsyrmasy: Ekonomıkany qoldaýdyń qosymsha sharalary ázirlenedi

NUR-SULTAN. QazAqparat – Ulttyq ekonomıka mınıstri Rýslan Dálenov ekonomıka salalaryn qoldaýdyń qosymsha sharalar paketin ázirleý úshin Úkimet pen Ulttyq banktiń birlesken is-qımyl josparyn daıyndaıtynyn málim etti, dep habarlaıdy QazAqparat tilshisi.

«Memleket basshysy ekonomıka salalaryn qoldaýdyń qosymsha sharalar paketin qalyptastyrý jóninde tapsyrma berdi. Osy tapsyrmany oryndaý úshin Úkimet pen Ulttyq banktiń birlesken is-qımyl jospary qalyptastyrylady. Jospar jobasyn Ekonomıkalyq saıasat jónindegi keńeste qarastyryp, keńes maquldaǵan jaǵdaıda bekitý usynylady», - dedi Rýslan Dálenov Úkimet otyrysynda.

Mınıstrdiń aıtýynsha, tikeleı ınvestıtsııalar boıynsha turaqty ortany qalyptastyrý maqsatynda strategııalyq ınvestorlar úshin sharttardy saqtaýdyń turaqtylyǵyn qamtamasyz etý mańyzdy. Sol úshin zańnamaǵa tıisti ózgerister Májilistiń qaraýyna engizilmek.

«Memlekettik kompanııalardyń bıýdjetke dıvıdendterdi tóleýdi turaqty negizde arttyrý máselesi zerdelenedi. Júrgizilgen taldaý negizinde tıisti normatıvtik quqyqtyq akt ázirlenetin bolady», - dedi ol.

Eske sala ketsek, Úkimettiń keńeıtilgen otyrysynda Memleket basshysy Qasym-Jomart Toqaev Úkimet pen Ulttyq bankke jaǵdaı ýshyqqanda halyq pen salalardy qoldaýdyń qosymsha sharalar paketin ázirleýdi tapsyrǵan bolatyn.