Prezıdent tapsyrmasy: BQO-da jol salý jumysy qalaı júrip jatyr
Bıyl kóktemde Memleket basshysy uzaq jyldar boıy sheshilmeı kele jatqan Batys Qazaqstan oblysyndaǵy kúre joldar problemasy boıynsha Úkimetke jáne aımaq basshysyna tapsyrmalar júktedi. Qazir atalǵan óńirde jol salý jáne jóndeý boıynsha qyzý jumys júrip jatyr. Osy oraıda jumystyń barysy týraly «QazAvtoJol» ulttyq kompanııasynyń BQO-daǵy fılıalynyń dırektory Qazbek Mámbetov aıtyp berdi.
«Biz qazir Qaztalov aýdany aýmaǵyndaǵy tasjolda turmyz. ıAǵnı bul jol «Qaztalov – Jánibek odan ári Reseı shekarasyna deıin jalǵasady. Bul jerde kúrdeli jóndeý jumysy júrip jatyr. Ol degenimiz joldyń negizin qalap, beton men asfalt tóselip jatyr. Biz turǵan ýchaskede 13 shaqyrym jolǵa asfalt tóseldi. Jalpy atalǵan baǵyt boıynsha 80 shaqyrym jol asfalttaldy. Joldy jergilikti merdiger kompanııalar salyp jatyr, jumysshylar da ózimizdiki», - dedi Qazbek Mámbetov baspasóz týry barysynda.
Fılıal basshysy aıtyp otyrǵan «Qaztalov – Jánibek - Reseı shekarasyna deıin tasjol 3-i sanatqa jatady. Ol jerde shamamen 700 adam 500-ge jýyq tehnıkanyń kómegimen eńbektenip jatyr.
«Jol qurylysy materıaldaryn jetkizýdiń 2 joly bar. Biri Aqtóbeden shyǵyp Atyraý oblysyn aınalyp Reseı jaq arqyly jetkiziledi. Ekinshi joly Oral aýmaǵy arqyly jetkizý múmkindigi bar. Sonymen qatar keıbir materıaldar Reseıden ákelinedi. Búginde materıaldar jetkizý máselesin sheship, jedeldetý úshin Qazaqstan temir joly kompanııasymen kelisimge kelim jatyrmyz. Jol salý jumystaryna 8 myń vagon materıal jetkizilýi tıis. Qazirgi ýaqytta 1,5 myń vagon materıal jetkizildi. Qalǵan materıaldar da ýaqytyly keledi dep oılaımyz. Odan bólek, qazir «Ónege – Bısen – Saıqyn» baǵyty boıynsha 103 shaqyrym jolǵa kúrdeli jóndeý jumysy júrýde», - deıdi ol.
Atalǵan jol ýchaskesi BQO-nyń Qaztalov, Jánibek jáne Bókeı ordasy aýdanynyń aýmaǵyn jalǵastyryp jatyr.
«Qazir bul joldaǵy kólik qatynasynyń qarqyny joǵary emes. Jol salynyp bitken soń kólik qarqyny ósedi dep kútilýde. Jalpy BQO boıynsha respýblıkalyq mańyzy bar tasjoldyń uzyndyǵy 1414 shaqyrymdy quraıdy. Bıyl respýblıkalyq bıýdjetten jol salý jáne jóndeý jumysyna 15 mlrd teńge bólindi», - dedi Q. Mámbetov.
Buǵan deıin oblystyq QazAvtoJol basshysy BQO-daǵy tasjoldardyń 62%-iniń jaǵdaıy qanaǵattanarlyq dep málimdegen edi .
Eske sala ketsek, Prezıdent BQO-daǵy kúre joldar problemasyn sheshýdi tapsyrǵan edi.
Aıta keteıik, «QazAvtoJol» ulttyq kompanııasynyń uıymdastyrýymen «Aqtóbe – Oral – Atyraý» baǵytyndaǵy respýblıkalyq mańyzy bar joldardaǵy istelinip jatqan jumystar boıynsha BAQ ókilderine arnalǵan týr ótip jatyr.