Prezıdent tapsyrmasy: Almatyda 400 «Sergek» ornatylady
ALMATY. QazAqparat - Almaty qalalyq polıtsııa departamenti jol-kólik oqıǵalaryn azaıtý boıynsha qabyldanǵan sharalar týraly aıtty, dep habarlaıdy QazAqparat tilshisi.
Almaty qalasy PD ákimshilik polıtsııasynyń málimetinshe, ústimizdegi jyldyń 9 aıynyń qorytyndysy boıynsha qabyldanǵan sharalardyń nátıjesinde jol – kólik oqıǵalary men jaraqat alý faktileri azaıǵan.
«Megapolıste jol-kólik oqıǵalaryn aldyn-alý jáne azaıtý maqsatynda «Jol qaýipsizdigi» avtomattandyrylǵan aqparattyq júıe iske qosyldy. Sondaı-aq, 108 beket jumys isteıdi. Jyl sońyna deıin 400 «Sergek» ornatylady. Osylaısha, qalanyń barlyq qıylystary beınebaqylaý júıelerimen jabdyqtalatyn bolady, bul jazataıym oqıǵalardyń sanyn 30%-ǵa azaıtýǵa múmkindik beredi. Qalada 1 800 jol qıylysy bar», - dep habarlady polıtsııadan.
Sonymen qatar, qalanyń qaýipti ýchaskelerinde jazataıym oqıǵalardyń aldyn alý jáne boldyrmaý maqsatynda polıtsııa kólikteri men joldan ótip bara jatqan balalardyń maketi qoıylǵan.
Budan bólek, qala ákimdigimen birge qarańǵy kósheler men qıylystardy jaryqtandyrý boıynsha sharalar qabyldandy.
Eske salsaq, megopolıstiń áleýmettik-ekonomıkalyq damýyna arnalǵan keńeste Memleket basshysy Qasym-Jomart Toqaev Almaty qalasynda jıi bolatyn jol-kólik oqıǵalaryna nazar aýdaryp, mas júrgiziýshilerdi qatań jazalaýdy tapsyrdy.
