Prezıdent tapsyrmasy: 410 kolledj kásiporyndar qamqorlyǵyna berildi
«Memleket basshysy júktegen tapsyrmalardyń biri – iri bıznestiń kolledjderge qamqorlyq kórsetýi. Tapsyrmaǵa sáıkes búginde 498 kásiporyn 410 kolledjdi óz qamqorlyǵyna alyp otyr. Kásiporyn ókilderi qamqorshylyq keńester quramyna kirdi. Endi kolledjderdi jaraqtandyrý, stýdentterdi praktıkadan, al pedagogterdi taǵylymdamadan ótkizýge kirisedi. Osy kúnge deıin 300 myńnan astam stýdent pen 5 myń pedagog kásiporyndar bazasynda taǵylymdamadan ótti», - dedi Oqý-aǵartý mınıstriniń birinshi orynbasary Sholpan Karınova OKQ-de ótken brıfıngide.
Onyń aıtýynsha, kolledjderdi óz qamqorlyǵyna alatyn iri kásiporyndardyń tizbesi jasaldy.
Eske salaıyq, byltyr qańtarda Memleket basshysy elimizdiń iri bıznes ókilderimen kezdesýi barysynda olardy arnaýly oqý oryndaryn qamqorlyqqa alýǵa shaqyrǵan edi.
«Máselen, bilikti kadrlardyń, ásirese tehnıkalyq mamandyqtar boıynsha joqtyǵyna shaǵymdanǵannyń ornyna iri bıznes kolledjderdi qamqorlyqqa alyp, olardyń qamqorshylyq keńesine kirip, jastardy tájirıbege nege almasqa, zerthanalar men sheberhanalardy jabdyqtamasqa? Bul baǵytta jumys istep jatqan jekelegen korporatsııalardyń bar ekendigin bilemin. Degenmen, muny jappaı jolǵa qoıý kerek», - degen edi Qasym-Jomart Toqaev.
