Prezıdent tapsyrmasy: 2 mlrd túp aǵash otyrǵyzý ınteravtıkti karta arqyly baqylanady

NUR-SULTAN. QazAqparat – Prezıdenttiń 2 mlrd túp aǵash otyrǵyzý tapsyrmasy ınteravtıkti karta arqyly baqylanady. Bul týraly Úkimet otyrysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Orman qorynda 2 mlrd aǵash otyrǵyzý boıynsha júrgiziletin jumystardyń tıimdiligi barysyna qoǵamdyq monıtorıngti júzege asyrý maqsatynda Ekologııa mınıstrliginiń qoldanystaǵy geoportalynyń negizinde ınteraktıvti karta qurý usynylady. Qazir osy geoportalda orman órtteri men zańsyz aǵash kesý monıtorıngi onlaın rejımde júzege asyrylýda. Geoportal «Ǵarysh Sapary» kompanııasymen birlesip pysyqtalatyn bolady», - dedi mınıstr.

Onyń aıtýynsha, kartada jyldar boıynsha óńir-óńirge bólingen aǵash otyrǵyzý josparlary kórsetiledi.

«Jergilikti atqarýshy organdar bekitilgen keshendi josparlardyń aıasynda ormandardy molyqtyrý jáne orman ósirý jónindegi jumystardy ýaqtyly júzege asyrýy qajet dep sanaımyz», - dedi ol.

Buǵan deıin aıtylǵandaı, Qazaqstan orman alqaby az memleketter qataryna jatady. Orman qoryna jatatyn jerlerdiń jalpy kólemi 30 mln gektardy quraıdy. ıAǵnı respýblıkamyzdyń 11%-yn ǵana alyp jatyr. 13 mln gektar jerde orman ósýde. Ormandylyq kórsetkish 4,8% quraıdy. 2030 jylǵa qaraı eldegi orman alqaby kólemin 5%-ǵa deıin ulǵaıtý josparlanýda