Prezıdent tapsyrmalaryn oryndaýǵa bıýdjetten 1,8 trln teńge bólinedi

NUR-SULTAN. QazAqparat – Respýblıkalyq bıýdjetten Prezıdent tapsyrmalaryn oryndaýǵa 1,8 trln teńge, áleýmettik shyǵystar men teńge baǵamyna – 173 mlrd teńge, baǵdarlamalyq qujattar men shuǵyl mindettemelerge – 476 mlrd teńge qarastyrylyp otyr. Bul týraly QR Premer-Mınıstriniń orynbasary – Qarjy mınıstri Erulan Jamaýbaev aıtty, dep habarlaıdy QazAqparat tilshisi.

Aıta keteıik, Senatta Ulttyq qordan 2022 – 2024 jyldarǵa arnalǵan kepildendirilgen transfert týraly zańǵa engizilgen ózgerister týraly zań jobasy qaralyp jatyr.

Buǵan deıin zań jobasyn Parlament Májilisi maquldaǵan edi.

«Bıylǵa arnalǵan respýblıkalyq bıýdjet parametrleri kelesideı qalyptasty. Bıýdjet túsimderi 2,7 trln teńgege ulǵaıyp, 15,8 trln teńgeni quraıdy. Tapshylyq jalpy ishki ónimge 3,3% deńgeıinde saqtaldy. Respýblıkalyq bıýdjet shyǵystary 18,8 trln teńge kóleminde josparlanyp otyr. Shyǵystardyń qosymsha ulǵaıýy 2,7 trln teńge bolady jáne birneshe basym baǵyttarǵa kózdelgen», - dedi Qarjy mınıstri Senat otyrysynda.

Onyń aıtýynsha, eń aldymen, Prezıdenttiń tapsyrmalaryn iske asyrýǵa 1,8 trln teńge qarastyrylǵan.

Bul - kúsh qurylymdary men tótenshe jaǵdaılar organdarynyń jaýyngerlik ázirligi men jaraqtanýyn kúsheıtýge, óńirler men bıznesti qoldaýǵa, halyqtyń tabysyn arttyrýǵa, elimizdiń azyq-túlik qaýipsizdigin qamtamasyz etýge jáne ekonomıkany ártaraptandyrýǵa arnalǵan shyǵystar.

«Ekinshiden, makroekonomıkalyq kórsetkishterdiń ózgerýine baılanysty 173 mlrd teńge somasynda qosymsha qarjy qarastyryldy. Atalǵan qarajat esebinen áleýmettik shyǵystar ındeksteledi jáne teńgeniń dollarǵa qatysty baǵamynyń ózgerýine baılanysty shyǵyndar qarjylandyrylatyn bolady», - dedi E. Jamaýbaev.

Úshinshi, baǵdarlamalyq qujattardyń is-sharalaryn jáne shuǵyl mindettemelerdi oryndaýǵa 476 mlrd teńge baǵyttalady.

«Bıýdjetti naqtylaý nátıjesinde naqty sektor men óńirlerdi qoldaý kúsheıtildi. Buny bıýdjet shyǵystarynyń qurylymy kórsetip otyr. ıAǵnı shyǵystar ósiminiń basym bóligi ekonomıkanyń naqty sektoryn qoldaýǵa kózdelgen. Bul – 1,3 trln teńge. Tıisinshe, shyǵystardyń jalpy kólemindegi osy baǵyttyń úlesi 5%-ǵa ulǵaıdy. Nátıjesinde atalǵan salaǵa arnalǵan shyǵystar 3,4 trln teńge nemese jalpy shyǵystardyń 18% mólsherinde josparlanyp otyr. Osyndaı yntalandyrý orta merzimde eldiń damýyna oń mýltıplıkatıvtik áser etedi», - dep túsindirdi Qarjy mınıstri.