Prezıdent tapsyrmalary júzege asyrylyp jatyr – Erlan Karın

ALMATY. QazAqparat – Qazirdiń ózinde Prezıdent Joldaýy júzege asyrylyp jatyr. Nátıjeleri bar. Bul týraly «Habar 24» telearnasyndaǵy «Anyǵyn aıtqanda» baǵdarlamasynda QR Prezıdentiniń kómekshisi Erlan Qarın málim etti, dep habarlaıdy QazAqparat tilshisi.

QR Prezıdentiniń kómekshisi Erlan Qarınniń aıtýynsha Memleket basshysynyń halyqqa joldaǵan Joldaýynda aıtylǵan, berilgen tapsyrmalardy júzege asyrý maqsatynda arnaıy jalpy ulttyq jospar qabyldanady.

«Bıylǵy Joldaýdy júzege asyrý maqsatynda jasalǵan baǵdarlamada 103 pýnkt bar. Osynyń ózi qujattyń qanshalyqty aýqymdy ekenin kórsetedi. Joldaýdyń jarııalanǵanyna kóp ýaqyt ótpese de, júzege asyrý jumystar bastalyp ketti. Tipti, belgili nátıjıeler bar. Mysaly, Prezıdent eń tómengi jalaqyny 60 myń teńgege kóterý týraly tapsyrma berdi. Osyǵan sáıkes, 2022-2024 jyldarǵa arnalǵan respýblıkalyq bıýdjet týraly zańǵa tıisti ózgerister daıyndalyp, Májilistegi jumys tobynda joldandy. Jaqynda plenarlyq otyrysta qaralady», - dedi Erlan Karın.

Sonymen qatar, ol Memleket basshysy ǵylym salasyn damytýǵa qatysty birqatar mańyzdy bastamalar kótergenin atap ótti.

«Osyǵan sáıkes, Bilim jáne ǵylym mınıstrligimen ǵylym týraly zańǵa tıisti ózgerister daıyndaldy. Atap aıtqanda, jetekshi ǵalymdardyń jalaqysyn bazalyq qarjylandyrýǵa qosý jáne ǵylymı zertteýmen aınalysatyn ınstıtýtyn qarjylandyrý, granttyq jobalardy 3 jyldan 5jylǵa deıin ulǵaıtý sııaqty jobalar qarastyrylyp jatyr», - dedi ol.