Prezıdent tapsyrmasy: jyl sońyna deıin 188 medıtsına nysany salynady

ASTANA. KAZINFORM – Memleket basshysy Qasym-Jomart Toqaev medıtsına ınfraqurylymyn odan ári ilgeriletýdi tapsyrdy.

- Búkil el boıynsha medıtsına ınfraqurylymyn barynsha damytý jumystary jalǵasady. Jyl sońyna deıin «Aýylda densaýlyq saqtaýdy jańǵyrtý» ulttyq jobasy aıasynda 188 medıtsına nysany salynady. Rıdderde kóp beıindi aýrýhanany, Óskemende gematologııa ortalyǵyn, Aqtaýda jedel járdem stansasyn, Almatyda juqpaly aýrýlar ulttyq ǵylymı ortalyǵyn, Astanada ulttyq ǵylymı onkologııa ortalyǵynyń jańa ǵımaratyn paıdalanýǵa berý qajet, - dedi Qasym-Jomart Toqaev Býrabaıda ótip jatqan ulttyq quryltaıda. 

Osy oraıda Prezıdent 2026 jyly 32 aýdandyq ortalyq aýrýhanany jańǵyrtýdy tapsyrdy. 

- Sondaı-aq Qyzylorda jáne Mańǵystaý oblystaryndaǵy aýrýhanalardy salyp bitirý kerek. Jumysty aıaqtaý merzimin buzýǵa bolmaıdy, - degen mindet júktedi Memleket basshysy. 

Buǵan deıin Qasym-Jomart Toqaev shekaralyq eldi mekenderdiń ahýalyna toqtalǵan edi. 

Sonymen qatar Memleket basshysy ulttyq quryltaıda qazaq halqyn danyshpan dep aıtsaq, qatelespeımiz degen bolatyn.