Prezıdent tapsyrmasy: Úkimet ónerkásip qaýipsizdigin qamtamasyz etý baǵytynda qandaı jumystar atqarmaq
ASTANA.KAZINFORM - Premer-mınıstr Oljas Bektenov Memleket basshysynyń qaýipti óndiriske tartylǵan azamattardyń qaýipsizdigin qamtamasyz etý jónindegi tapsyrmalaryn júzege asyrý máseleleri boıynsha jumys keńesin ótkizdi, dep habarlaıdy Úkimettiń baspasóz qyzmeti.
Tótenshe jaǵdaılar mınıstri Shyńǵys Árinov, ónerkásip jáne qurylys mınıstri Qanat Sharlapaev jańa tásilder jáne eńbek qaýipsizdigi salasyndaǵy atqarylyp jatqan jumystar týraly baıandady. Keńeske eńbek jáne halyqty áleýmettik qorǵaý, sondaı-aq tsıfrlyq damý, ınnovatsııalar jáne aeroǵarysh ónerkásibi mınıstrleri qatysty.
2030 jylǵa deıingi qaýipsiz eńbek tujyrymdamasy aıasynda nysandardy tsıfrlandyrýdy eskere otyryp, normatıvtik-quqyqtyq aktiler qaıta qaralady, ónerkásip qaýipsizdigin, ǵylymdy damytýdy jáne tıisti ortalyqtar qurýdy qamtamasyz etetin nysandarǵa qoıylatyn, sondaı-aq memlekettik eńbek ınspektorynyń kadrlyq áleýeti men quqyqtyq mártebesin arttyrý jónindegi talaptar kúsheıtiledi.
Qazirgi ýaqytta ónerkásip qaýipsizdigi boıynsha jekelegen talaptar qaıta qaralýda. Osylaısha, azamattyq qorǵaý jónindegi zań jobasy sheńberinde apattyq-qutqarý qyzmetterine qoıylatyn talaptar qatańdatylady, tıisti qyzmetterdiń fýnktsııalaryn berý arqyly óndiristik baqylaýǵa qoıylatyn jekelegen talaptar kúsheıtilýde, sondaı-aq qaýipti óndiristik nysandar ıelerine jabdyqtardy jańartý jáne jańǵyrtý boıynsha jańa mindetter kózdelgen.
Sonymen qatar ónerkásiptik qaýipsizdik nysandary pasporttaryn jasaýǵa, apattardy esepke alýdy jáne basqa da protsesterdi avtomattandyrýǵa múmkindik beretin «E-ÓQK» aqparattyq júıesin iske qosý josparlanyp otyr.
Premer-mınıstr ónerkásip qaýipsizdigi salasyndaǵy baqylaý tetigine erekshe nazar aýdardy. Tótenshe jaǵdaılar mınıstrligi ÓQM jáne EHÁQM-men birlesip, tekserý qorytyndysy boıynsha ónerkásiptik nysandar menshik ıeleri men basshylarynyń qaýipsiz eńbek jaǵdaılaryn qamtamasyz etý boıynsha jaýapkershiligin kúsheıtý jóninde usynystar engizý tapsyryldy.
Ónerkásip jáne qurylys mınıstrligi Tótenshe jaǵdaılar, Ekologııa jáne tabıǵı resýrstar mınıstrlikterimen birlesip, ónerkásip qaýipsizdigi is-sharalaryn ýaqtyly qarjylandyrý úshin jer qoınaýyn paıdalanýshylardyń taý-ken jumystaryn júrgizý josparlaryna taldaý júrgizýi qajet.
Ónerkásip jáne qurylys, Tótenshe jaǵdaılar mınıstrlikteri gazdar shyǵaryndylarymen baılanysty táýekelderdi azaıtý úshin shahtalardy aldyn ala gazsyzdandyrý normatıvterin ázirleýi qajet.
TsDIAÓM otandyq IT-mamandarmen birlesip, ónerkásip qaýipsizdigin qamtamasyz etý boıynsha jańa sheshimder ázirleý tapsyryldy.
Aıta keteıik, Memleket basshysy osyǵan deıin Ulytaý oblysyndaǵy «Qazaqmys» korporatsııasyna qarasty kenishte bolǵan qaıǵyly oqıǵaǵa baılanysty Úkimetke birqatar mindet júktegen bolatyn.