Prezıdent tapsyrmasy: Katonqaraǵaıdaǵy áýejaı qurylysy 80% aıaqtaldy
ÓSKEMEN. KAZINFORM – Shyǵys Qazaqstan oblysyndaǵy Katonqaraǵaı aýdanynda salynyp jatqan áýejaıdy sertıfıkattaý rásimi kelesi jyldyń aqpan aıynda bastalmaq.
ShQO Jolaýshy kóligi jáne avtomobıl joldary basqarmasynyń málimetine súıensek, Memleket basshysynyń tapsyrmasymen Katonqaraǵaı aýdanynda salynyp jatqan jańa áýejaı qurylysynyń 80 paıyzdan astamy aıaqtaldy.
Qazirgi ýaqytta ushý-qoný jolaǵy tolyq daıyn. Mamandar áýejaıdy qajetti jabdyqtarmen jaraqtandyrý, jolaýshylar termınaly men tehnıkalyq nysandardaǵy jumystardy aıaqtaý ústinde.
2027 jyldyń aqpan aıynda áýejaıdy sertıfıkattaý rásimin bastaý josparlanyp otyr. Al áýe aılaǵyn týrıstik maýsym bastalǵanǵa deıin paıdalanýǵa berý kózdelgen.
- Áýejaıdyń asfaltbetonmen qaptalǵan ushý-qoný jolaǵynyń uzyndyǵy 2 200-2 260 metr, eni 35 metr. Áýejaı saǵatyna 150 jolaýshyǵa deıin qyzmet kórsete alady. Sondaı-aq Bombardier Q400 jáne ATR-72 sekildi ortasha syıymdylyqtaǵy zamanaýı týrbovıntti ushaqtardy qabyldaýǵa qaýqarly bolady. Jańa áýejaıdyń ashylýy Katonqaraǵaı aýdanyna jetýdi jeńildetip, týrızmniń damýyna serpin bermek, - delingen aqparatta.
Eske salsaq, buǵan deıin Zaısan áýejaıynda sertıfıkattaý rásimi bastalǵany habarlanǵan.