Prezıdent tapsyrmasy: Dosaev Almatyny sýmen qamtý máselesin qalaı sheship jatyr
ALMATY. KAZINFORM — Almatylyqtardy ýaqtyly jáne úzdiksiz sýmen qamtamasyz etý Memleket basshysy tapsyrmalarynda kórsetilgen negizgi mindetterdiń biri.
Medeý aýdanyndaǵy sý máselesi
Medeý aýdanynyń joǵarǵy bóligin sýmen jabdyqtaý jer ústi sýmen jabdyqtaý kózderiniń áser etý aımaǵynda ornalasqan. Shaǵyn aýdandardyń turǵyndaryn sapaly sýmen jáne kárizben qamtamasyz etý máselesi ózekti bolyp qala berdi.
2023 jyldyń jazyndaǵy aptap ystyqta 50 kópqabatty jáne 4 047 jeke úıde sý berý ýaqytsha shekteldi.
Keıinnen jaǵdaı turaqtaldy. Degenmen, aldaǵy ýaqytta mundaı jaǵdaılardyń aldyn alý maqsatynda qala ákimi Erbolat Dosaevtyń tapsyrmasymen Medeý aýdanynyń joǵarǵy bóligin jerasty sý kózderine qosý boıynsha aýqymdy jobany ázirleý qolǵa alyndy.
«Almaty Sý» mekemesiniń bas dırektory Іlııas Qazıev Medeý aýdanynyń ońtústik bóligine rezervtik sý qubyryn tartý jumystarynyń aıaqtalǵanyn aıtty.
— Jańa rezervtik júıe qalanyń osy bóligine jerasty kózderinen táýligine 32 myń tekshe metr sý berýdi qamtamasyz etti. ıAǵnı Samal, Kóktóbe jáne Taýly qyrat shaǵynaýdandarynyń 50 myń turǵyny qalanyń tómengi bóliginen jiberiletin sýmen qamtamasyz etilýi múmkin, — dedi Іlııas Qazıev.
Jobanyń ereksheligi — Talǵar jerasty sýlarynyń ken ornynan kaskadty tásilmen sý berý jáne keri rejımde jumys isteý múmkindigi. ıAǵnı qajet bolǵan jaǵdaıda sýdyń soltústikten ońtústikke qaraı da, keri baǵytta da qozǵalysyn ózgertýge bolady. Bul aýa raıynyń qatty áserine ushyraǵan Kishi Almaty ózeniniń bastapqy sýynyń sapasyna táýeldilikti joıady. Onda sýdyń sapasy laılanýdyń joǵarylaýyna baılanysty nasharlaǵan.
Sol sekildi sorǵy stansalaryn, taza sý rezervýarlaryn jáne magıstraldyq jelilerdi qaıta jańartý jáne salý boıynsha jumys isteldi. Bul shaǵynaýdannyń batys jáne shyǵys jaǵynda taratýshy ınjenerlik jelilerdi salý jobasy qosymsha iske asyrylatyn Kamenskoe ústirti aýdanyna turaqty sý berýdi qamtamasyz etedi.
Sondaı-aq osy jyldyń sońyna deıin Sulýsaı jáne Muztaý shaǵyn aýdandaryn sýmen jáne kárizben qamtý josparda.
Sý qubyry jáne káriz jelileriniń tozýy
«Almaty sý» memlekettik mekemesiniń málimetinshe, ótken jyly megapolıste 543 shaqyrym jańa sý qubyry jáne sý burý jelileri iske qosyldy. Bul sýmen jabdyqtaý jelileriniń tozýyn 52,7%-ǵa, káriz jelileriniń 51,8%-ǵa deıin tómendetýge múmkindik berdi.
— Almatyda sý júıesin damytý jumystary jalǵasyp jatyr. Josparlanǵan iri jobalardyń ishinde Myńbaev kóshesi boıyndaǵy magıstraldi sý qubyryn aýystyrý, Taýsamaly (Kamenka) yqshamaýdanynda ınjenerlik jelilerdi tartý, Tımırıazev kóshesinde sý qubyryn transheıasyz ádispen qaıta qurý jumystaryn atap ótýge bolady. Bul 240 myń qala turǵynyn sapaly sýmen qamtamasyz etýge múmkindik beredi, — dedi Іlııas Qazıev.
2025 jyly tozyǵy jetken 70 shaqyrym jelini aýystyrý, eki taza sý rezervýaryn salý jáne jóndeý, tórt sorǵy stantsııasyn jańartý jáne 200 dana sorǵy jabdyǵyn aýystyrý josparlanǵan.
Naýryzbaı jáne Bostandyq aýdandaryn sýmen qamtamasyz etý
Bıyl Aqsaı ózeninde sý tazartý súzgi stantsııasynyń qurylysy aıaqtalady. Bul joba Naýryzbaı aýdany turǵyndaryn sapaly jáne úzdiksiz aýyz sýmen tolyq qamtamasyz etýge múmkindik beredi.
Bostandyq aýdanyn sýmen qamtamasyz etýdi jaqsartý jumystary da bastalady. Atap aıtqanda, qalanyń batys bóligindegi Barlyq toptyq sý qabyldaǵyshynyń jobasy ázirlenip jatyr. Ermensaı yqshamaýdanyn sýmen qamtamasyz etý úshin Almaty ákimdigi «Nurlytaý» sý tazartý stantsııasyn salý boıynsha merdigerdi anyqtaý úshin konkýrs jarııalady. Stantsııanyń qýattylyǵy táýligine 9 myń tekshe metr.
Sonymen qatar, jańa taratý jelileriniń qurylysy júzege asyrylyp, 2026 jyldyń sońyna deıin Ermensaı jáne Nurlytaý aýdandarynyń 22 myńnan astam turǵyny sapaly aýyz sýmen qamtylady.
Osyǵan deıin 2025 jyly qalanyń sý qubyry jáne káriz júıelerin jaqsartýǵa 18 mlrd teńge ınvestıtsııa tartylatyny týraly jazǵan bolatynbyz.
Eske salaıyq, Prezıdent Qasym-Jomart Toqaev Almatyǵa jumys sapary kezinde qala ákimi Erbolat Dosaevty qabyldap, shahardy jaryqtandyrý, páterlerge sýdy ýaqtyly jáne tolyq berý, kósheler men aýlalardy abattandyrý boıynsha birqatar tapsyrma bergen bolatyn.