Prezıdent tapsyrmasy: BJZQ aqshasy qandaı jobalarǵa tartylady

ASTANA. KAZINFORM – Ulttyq bank tóraǵasynyń orynbasary Aqyljan Baımaǵambetov Biryńǵaı jınaqtaýshy zeınetaqy qorynyń aqshasy qandaı jobalarǵa ınvestıtsııalanatynyn aıtty.

- 2024-25 jyldarǵa BJZQ-dan 2 trln teńge deıin alý týraly shek qoıylǵan. Bul – BJZQ-nyń ekonomıkany kredıtteýdegi ınvestıtsııalyq múmkindigi. Áńgime «Báıterek», «Samuryq Qazyna» sııaqty kompanııalardyń, ekinshi deńgeıli bankterdiń borysh quraldary týraly bolyp otyr. Bul aqshalar ekonomıkanyń salalaryn ártaraptandyrý, ımportty almastyrý, qazaqstandyq mazmundy arttyrý sııaqty sharalar tikeleı baǵyttalady. Aqsha (qaryz retinde) naryqtaǵy mólsherlemeler bólinedi. ıAǵnı, bul bolashaq zeınetkerlerdiń esebinen qandaı da bir jeńildikter beriledi degen sóz emes, – dedi ol.

Aıtýynsha, bul uzaq merzimge beriletin boryshtar bolmaq.

- Bizdiń ekonomıkamyzda ondaı uzaq merzimdi aqshany dál osy BJZQ bólip, ınvestıtsııalaı alady. Qazirdiń ózinde «Báıterektiń» oblıgatsııalaryn ınvestıtsııalaýǵa, kólik salasyndaǵy jobalardy iske asyrýǵa 173 mlrd teńge, agroónerkásip kesheniniń jobalaryna 213 mlrd teńge bólindi. Búgingi tańda Úkimette energetıka salasyndaǵy túrli jobalar joǵary deńgeıde pysyqtalyp jatyr. Oblıgatsııalardy satyp alý kóziniń biri BJZQ bolýy múmkin. Bankterdiń ınvestıtsııalyq jobalaryn iske asyrý úshin de oblıgatsııalar satyp alynady, - dedi Aqyljan Baımaǵambetov.

Energetıka mınıstri Almasadam Sátqalıev Ulttyq bank ókili ataǵan jobalardyń ishinde AES salý joq ekenin málim etti.

Aıta ketý kerek, Memleket basshysy Qasym-Jomart Toqaev búgin Úkimetke BJZQ-dan «uzaq merzimge beriletin» qarjyny belsendi tartýǵa bolady degen nusqaý berdi.