Prezıdent tapsyrmalarynyń oryndalýy: Mınıstrlikter baıandama jasady
ASTANA. KAZINFORM — Memlekettik keńesshi Erlan Qarın Prezıdenttiń IV Ulttyq quryltaı otyrysynda bergen tapsyrmalaryn júzege asyrý boıynsha jıyn ótkizdi, dep habarlaıdy Aqordanyń baspasóz qyzmeti.
Basqosýda jaýapty mınıstrlikter basshylary men Prezıdent Ákimshiliginiń bólim meńgerýshileri baıandama jasady.
Býrabaıdaǵy Ulttyq quryltaıda kóterilgen bastamalar boıynsha zań jobalaryn, «Qazaqstan balalary» baǵdarlamasyn, ishki saıasat salasyndaǵy kontseptýaldyq qujatty ázirleý, sondaı-aq óńirlerde ınfraqurylymdyq jobalardy iske asyrý máselelerine aıryqsha mán berildi.
Memleket basshysy Qasym-Jomart Toqaevtyń Ulttyq quryltaı aıasyndaǵy tapsyrmalarynyń oryndalýy Prezıdent Ákimshiliginiń baqylaýynda bolady. Olardyń júzege asyrylý barysy boıynsha jınalys turaqty túrde ótkiziledi.
Buǵan deıin Erlan Qarın aýyl ákimderiniń korpýsy 100 paıyz jańartylǵanyn aıtqan edi.