Prezıdent Tanym kópfýnktsıonaldy keshenin aralap kórdi
ASTANA. KAZINFORM - Memleket basshysy oqý synyptaryn, horeografııalyq zaldy, kovorkıng-ortalyqty, jasandy ıntellektiniń ınnovatsııalyq júıesi engizilgen júzý basseınin, keme modeldeý sheberhanasyn, teatr óneri stýdııasy men sport zaldy aralady, dep habarlaıdy Aqordanyń baspasóz qyzmeti.
Bul ortalyq balalar men jastardyń talantyn shyńdaýǵa, kóshbasshylyq qabiletin, ǵylymı oılaý júıesi men shyǵarmashylyq áleýetin jetildirýge múmkindik beredi.
Joba balalarǵa zamanaýı bilimdi, tehnologııany, mádenıet pen sportty qoljetimdi etýge baǵyttalǵan.
Qazir keshende 100-den astam joǵary bilikti pedagog jumys isteıdi.
Qasym-Jomart Toqaev ortalyqtyń ustazdarymen jáne oqýshylarymen áńgimelesip, balalar men jastar shyǵarmashylyǵyn damytýdyń mańyzyna toqtaldy. Sonymen qatar ujym jumysyna tabys tiledi.
Osyǵan deıin Prezıdent mektep qurylysy boıynsha memleket-jekemenshik seriktestigin jetildirýdi tapsyrǵan bolatyn.
