Prezıdent Taılandtyń Premer-mınıstrine kóńil aıtý jedelhatyn joldady

ASTANA. KAZINFORM - Memleket basshysy Taılandtyń Premer-mınıstrine kóńil aıtý jedelhatyn joldady, dep habarlaıdy Aqordanyń baspasóz qyzmeti.

Qasym-Jomart Toqaev Taılandtaǵy jer silkinisi saldarynan kóptegen adamnyń qaza tabýyna baılanysty osy eldiń Premer-mınıstri Phethongthan Chınavatqa jáne jaqyndarynan aıyrylǵan otbasylarǵa kóńil aıtty.

Prezıdent tabıǵat apaty kezinde jaraqattanǵandardyń tez arada saýyǵyp, otbasylaryna din aman oralýyna tilektestigin bildirdi.

Osyǵan deıin Mıanma men Taılandta kúshti jer silkinisi bolyp, Bangkokta kópqabatty úı qıraǵany týraly jazdyq.

Sondaı-aq Taıland premer-mınıstri Bangkokty «tótenshe jaǵdaı aımaǵy» dep jarııalady.