Prezıdent Taıland Koroldigimen yntymaqtastyqty odan ári tereńdetýge beıil ekenin jetkizdi
ASTANA. KAZINFORM - QR Prezıdenti Qasym-Jomart Toqaev Taıland Koroli Maha Vachıralongkorndy Ulttyq merekemen quttyqtady, dep habarlaıdy Aqorda.
Qazaqstan Prezıdenti jedelhatynda Taıland Koroldiginiń halyqaralyq arenada jáne áleýmettik-ekonomıkalyq damýda aıtarlyqtaı tabysqa qol jetkizgenin atap ótti.
Sonymen qatar Prezıdent Taıland Koroldigimen dástúrli dostyq pen mazmundy saıası dıalogqa negizdelgen yntymaqtastyqty odan ári tereńdetýge beıil ekenin jetkizdi.
Eske salsaq, búgin Prezıdent Qasym-Jomart Toqaev Eýrazııalyq ekonomıkalyq komıssııa alqasynyń tóraǵasy Baqytjan Saǵyntaevty qabyldady. Qabyldaýda Qasym-Jomart Toqaevqa 26 jeltoqsan kúni Sankt-Peterbýrg qalasynda ótetin Joǵary Eýrazııalyq ekonomıkalyq keńestiń kezekti otyrysyna ázirlik barysy týraly aqparat berildi.