Prezıdent: Tabıǵat geosaıasatsyz tirshilik ete beredi, al geosaıasattyń tabıǵatsyz kúni qarań
ASTANA. KAZINFORM – Ortalyq Azııa men kórshiles aımaqtar uqsas ekologııalyq syn-qaterlerge tap keldi. Bul týraly Óńirlik ekologııalyq sammıtte Memleket basshysy Qasym-Jomart aıtty.
- Elderimiz tutas ekojúıede ómir súredi. Ózen-kólder de, tabıǵı landshafttar da, klımattyń qaýip-qaterleri de barshamyzǵa ortaq. Eń bastysy, jaýapkershilikti teńdeı bólisemiz. Ortalyq Azııa men kórshiles aımaqtar uqsas ekologııalyq syn-qaterlerge tap keldi, - dedi Memleket basshysy.
Osy rette Prezıdent atalǵan syn-qaterler qatarynda mynalardy atady:
- sý tapshylyǵy men sý resýrstaryn tıimsiz basqarý;
- shóleıttený;
- muzdyqtardyń erýi;
- aýanyń lastanýy;
- bıoalýantúrliliktiń joıylý qaýpi.
- Men eń negizgi syn-qaterler men problemalardyń mánin ashyp, ádeıi tústep otyrmyn. Óıtkeni kúsh jumyldyrý arqyly atalǵan máselelerdi sheshýde oń nátıjege jetemiz. Buǵan kámil senemin. Jetistikterge toqmeıilsip otyratyn zaman ótti, sheshim qabyldaıtyn ýaqyt keldi, - dedi Qasym-Jomart Toqaev.
Aıta keteıik, birneshe eldiń Prezıdenti qatysyp jatqan Óńirlik ekologııalyq sammıt «Ornyqty bolashaqqa ortaq kózqaras» taqyrybymen ótip jatyr.
