Prezıdent Syrdarııa ózeniniń jaǵalaýyn damytý josparymen tanysty
Memleket basshysyna ortalyqtyń negizgi qyzmeti jóninde málimet berildi.
Jergilikti bıýdjet esebinen boı kótergen bul ortalyq «Rýhanı qazyna», «Tárbıe jáne bilim», «Atameken», «Aqparat tolqyny» sııaqty baǵyttar boıynsha jumys isteıdi.
Qasym-Jomart Toqaevqa Syrdarııa ózeniniń sol jaǵalaýyn damytý jónindegi shahardyń bas jospary tanystyryldy.
Aýmaǵy 1,5 myńnan astam gektar jerdi qamtıtyn bul qurylys alańyna tıisti ınfraqurylymdar júrgizilgen. Memleket basshysyna aldaǵy ýaqytta bul jerde neke saraıy, órt sóndirý deposy, 900 oryndyq orta mektep, turǵyn úıler, otbasylyq medıtsına ortalyǵy jáne basqa da áleýmettik nysandar salynatyny jóninde baıandaldy.
Qasym-Jomart Toqaev Qyzylorda oblysynyń qurylys salasyndaǵy kórsetkishi joǵary ekenin atap ótip, shahardyń órkendep kele jatqanyna toqtaldy.
«Qala qurylysyna osy saladaǵy úzdik tájirıbelerdi qoldaný kerek. Jańa texnologııa men qurylys materıaldaryn paıdalanyp, «Aqyldy qala» (Smart City) júıesiniń komponentterin belsendi túrde engizý qajet», - dedi Qazaqstan Prezıdenti.
