Prezıdent Svevind Energy Group kompanııasynyń bas dırektoryn qabyldady
Memleket basshysy Svevind Energy Group kompanııasynyń bas dırektory Volfgang Kroppty qabyldady, dep habarlaıdy
Svevind Energy Group kompanııasynyń basshylyǵymen kezdesý barysynda Mańǵystaý oblysynda «jasyl» sýtegin óndirý jónindegi jobany júzege asyrýǵa daıyndyq máseleleri talqylandy.
Memleket basshysyna Eýropalyq Keńes Prezıdenti Sharl Mısheldiń byltyr Qazaqstanǵa jasaǵan sapary barysynda qol qoıylǵan Investıtsııalyq kelisim aıasynda aldyn ala jobalaý-izdestirý jumystary (Pre-FEED) júrgizile bastaǵany jóninde málimet berildi.
Joba aıasynda sý tushytý zaýytyn, 40 gıgavattyq jańartylatyn energııa kózderi (jel, kún) stantsııalaryn, sondaı-aq qýaty 20GVt bolatyn ári jylyna 2 mıllıon tonna «jasyl» sýtegin nemese 11 mıllıon tonna «jasyl» ammıak óndire alatyn sýdy elektrolızdeý qondyrǵysyn salý jáne paıdalaný kózdelip otyr. Investıtsııanyń aldyn ala boljamdy kólemi 50 mıllıard evrodan asady.
Volfgang Kropp jobalyq qujattama 2026 jylǵa qaraı aıaqtalatynyn aıtty. Infraqurylym qurylysyn 2027 jyly bastap, 2032 jyly paıdalanýǵa berý josparlanǵan.
Qasym-Jomart Toqaev elimiz úshin Hyrasia One jobasyn ýaqtyly júzege asyrýdyń strategııalyq mańyzy zor ekenin atap ótti.
Memleket basshysy atalǵan bastama Qazaqstandaǵy jańartylatyn energııa kózderi salasyn damytýda jetekshi jobalardyń biri bolatynyna ári elimizdiń kómirtegi beıtaraptyǵyna qol jetkizý maqsatyna eleýli úles qosatynyna senim bildirdi.
