Prezıdent suhbatta eńbekshil halyq máselesin oryndy kóterdi – Tamara Asar

NUR-SULTAN. QazAqparat – Elimizge tanymal ánshi Tamara Asar Memleket basshysy Qasym-Jomart Toqaevtyń Qazaqstan ulttyq telearnasyna bergen suhbatynan keıingi pikirimen bólisti, dep habarlaıdy QazAqparat tilshisi.

«Prezıdenttiń suhbatyn bastan-aıaq tyńdadym. Aldymen maǵan unaǵany suhbatty memlekettik tilde bergeni, qulaqqa jaǵymdy. Jáne barlyq suraqtarǵa dıplomatııalyq turǵyda jaýap berdi. ıAǵnı kese-kóldeneń jaýap bolǵan joq. Bul ár qazaqstandyq úlgi alatyn dúnıe. Jyly suhbat boldy. Taǵy bir janyma jaqyn kelgen jaıt, Memleket basshysy halyqty eńbek etýge shaqyrdy. Shynynda da, halyq eńbek sózinen alshaqtap ketken sekildi. Naǵyz eńbekqorlar azaıyp barady», - dedi Tamara Asar.

Ánshiniń aıtýynsha, elde jumysshy taptyń sapasyn arttyrý qajet.

«Prezıdenttiń eńbekshil halyq máselesin kótergeni maǵan qatty unady. Sebebi, qazir ekiniń biri saıasatker, bloger nemese ınternettiń gúli. Qara jumystyń adamy az, naǵyz eńbekqor, jumysshy kúshi kóbeıse», - deıdi óner juldyzy.

Aıta keteıik, búgin Memleket basshysy Qazaqstan ulttyq telearnasyna arnaıy suhbat berdi.

Prezıdenttiń málimdeýinshe, qur sózdiń zamany ketip, iske kóshetin ýaqyt keldi.

Foto: voxpopuli.kz