Prezıdent: Sýets kanalyndaǵy oqıǵa qurlyqtyq baılanystyń mańyzdylyǵyn kórsetti
NUR-SULTAN. QazAqparat – Prezıdent Qasym-Jomart Toqaev Joǵary eýrazııalyq ekonomıkalyq alqa májilisinde Batys Qytaı – Batys Eýropa dálizin rekonstrýktsııalaýdy EAEO aýmaǵynda tolyq aıaqtaýdy usyndy, dep habarlaıdy QazAqparat.
«Naýryz aıynda Sýets kanalynda bolǵan oqıǵa saýda joldarynyń osaldyǵyn jáne álemdik saýdaǵa qalaı áser etetinin kórsetti. Atalǵan jaıt qurlyqtaǵy marshrýttardyń mańyzdylyǵyn dáleldedi. Eýrazııa elderi ózderiniń transporttyq áleýetin tolyǵymen iske asyrýy kerek. Transshekaralyq ýchaskeler men transporttyq kúre joldardy údemeli jańǵyrtýdy qaıtalap usynamyn. Atap aıtqanda, Batys Eýropa – Batys Qytaı búkil Eýrazııalyq ekonomıkalyq odaq aýmaǵynda rekonstrýktsııasyn aıaqtaý qajet», - dedi Memleket basshysy.
Eske sala keteıik, Qazaqstan Prezıdent Qasym-Jomart Toqaevtyń tóraǵalyǵymen Joǵary eýrazııalyq ekonomıkalyq keńestiń kezekti otyrysy onlaın rejımde ótip jatyr.