Prezıdent sýdıalardyń jańa ádep kodeksin qabyldaýdy qoldady
ASTANA. KAZINFORM – Búgin Qazaqstan sýdıalarynyń sezinde QR Prezıdenti Qasym-Jomart Toqaev Sýdıa ádebiniń jańa kodeksin qabyldaýǵa qatysty pikir aıtty.
Memleket basshysynyń aıtýynsha, sýdıalar adaldyqtyń, derbestik pen ádildiktiń jarqyn úlgisi bolýy kerek. Sýdıalardyń barlyq óreskel zań buzý áreketterin sot jıýrıi tekseredi. Bul tásil qazaqstandyq sýdıalardyń tártiptik jaýapkershiligin arttyrady.
Prezıdent sýdıalar arasynda sot bıliginiń bedeline nuqsan keltiretin etıka normalaryn buzý faktileri bar ekenin atap ótti. Keı jaǵdaıda sot qaýymdastyǵy olarǵa der kezinde áreket etpeı jatady.
«Mundaı jaǵdaıǵa jol bermeý kerek. Sondyqtan búgingi sezde Sýdıalardyń jańa Ádep kodeksiniń qabyldanýyn qoldaımyn. Bul qujat sýdıalar arasynda joǵary standarttardy ornatýǵa jáne qoǵamnyń sot júıesine degen senimin nyǵaıtýǵa múmkindik beretinine senimdimin», - dedi Qasym-Jomart Toqaev.
Sonymen qatar Memleket basshysy Joldaýda elimizdi damytý jolyndaǵy naqty mindetterdi aıqyndaǵanyn atap ótti.
«Zań jáne tártip ıdeologııasyn ornyqtyrý máselesine erekshe toqtaldym. Sot organdary osy mańyzdy jumysqa belsene atsalysýy kerek. Men qazylar qaýymyna úlken úmit artamyn. Sizder Ádiletti Qazaqstandy qurýǵa zor úles qosasyzdar dep senemin», - dedi Memleket basshysy.
