Prezıdent Sý jáne densaýlyq saqtaý týraly hattamany ratıfıkatsııalaýdy maquldady
ASTANA.KAZINFORM - Memleket basshysy «1992 jylǵy Shekaraaralyq sý arnalary men halyqaralyq kólderdi qorǵaý jáne paıdalaný jónindegi konventsııaǵa Sý jáne densaýlyq problemalary týraly hattamany ratıfıkatsııalaý týraly» Qazaqstan Respýblıkasynyń Zańyna qol qoıdy.
Bul týraly Aqordanyń baspasóz qyzmeti habarlady.
Zańnyń mátini baspasózde jarııalanady.
Aıta keteıik, Májilis depýtattary «Shekaraaralyq sý arnalary men halyqaralyq kólderdi qorǵaý jáne paıdalaný jónindegi 1992 jylǵy konventsııaǵa Sý jáne densaýlyq problemalary týraly hattamany ratıfıkatsııalaý týraly» zańdy qabyldaǵanyn jazǵan bolatynbyz.
Hattama 1999 jyly 17 maýsymda Londonda qabyldanǵan. Maqsaty – sý resýrstaryn ornyqty basqarý esebinen halyqtyń densaýlyǵyn qorǵap, ál-aýqatyn arttyrý, sýmen baılanysty aýrýlardyń taralý dárejesin bolǵyzbaý jáne shekteý.
Qazaqstan bul hattamany ratıfıkatsııalaý arqyly moınyna mynandaı mindettemeler alady:
- sýmen jabdyqtaý, sanıtarııa, gıgıena jáne densaýlyq saqtaý boıynsha naqty jáne ólshenetin nysanaly kórsetkishterdi belgileý;
- sýmen baılanysty aýrýlardy qadaǵalaý jáne olardyń erte aldyn alý júıesin quryp, jetildirý;
- tótenshe jaǵdaılar kezindegi is-qımyl josparlaryn ázirleý;
- halyqty qoldanystaǵy sanıtarııalyq-gıgıenalyq talaptarǵa saı sýmen qamtamasyz etý baǵytyndaǵy ózara is-qımyldy kúsheıtý;
- sheshim qabyldaý protsesine jurtshylyqty tartý jáne sý sharýashylyǵy qyzmetiniń barlyq kezeńinde halyqtyń habardar bolýyn arttyrý;
- sý resýrstaryn qorǵaý jáne paıdalaný, sanıtarııa jáne densaýlyq saqtaý salasyndaǵy halyqaralyq yntymaqtastyqty damytý.
Sondaı-aq, bul hattamanyń ratıfıkatsııasy Qazaqstan úshin qaýipsiz aýyzsý daıyndaý, sarqyndy sýdy kádege jaratý salasyndaǵy ozyq tehnologııalar men bilimge jola ashady.
Buǵan deıin Memleket basshysy «Qazaqstan Respýblıkasyndaǵy tsıfrlandyrýdyń keıbir máseleleri týraly» Jarlyqqa qol qoıǵan edi.