Prezıdent sý tapshylyǵyn sheshe almaǵan ákimderge qatysty sheshim qabyldaıdy

ASTANA. QazAqparat – Іri qalalardaǵy sý tapshylyǵy – ákimderdiń jumysyndaǵy olqylyq. Bul týraly Túrkistanda ótip jatqan Ulttyq quryltaıdyń «Ádiletti Qazaqstan – Adal azamat» atty ekinshi otyrysynda Prezıdent Qasym-Jomart Toqaev aıtty, dep habarlaıdy QazAqparat tilshisi.

«Tazalyq pen uqyptylyq kúndelikti ómir saltymyzǵa aınalýy qajet. Qalalar men aýyldardyń sáýletti, saıabaqtar men aýlanyń taza bolýy, eń aldymen, basqa bireýge emes, ózimizge kerek. Jurttyń bári óz úıiniń jaıly ári ádemi bolǵanyn qalaıdy. Bul – durys. Azamattarymyz qoǵamdyq oryndar men qorshaǵan ortaǵa da dál sondaı janashyr kózben qaraýǵa tıis. Qazaqstan – bárimizge ortaq, onyń qandaı bolatyny tek bizge baılanysty. ıAǵnı, biz ishi de, syrty da bútin el bolýymyz kerek», - dedi Qasym-Jomart Toqaev.

Memleket basshysy jaqynda iri qalalarymyzda sý tapshylyǵy paıda bolyp, oǵan turǵyndar narazylyǵyn bildirip jatqanyna toqtaldy.

«Bul da – oryndy. Osy túıtkil – ákimderdiń jumysyndaǵy naǵyz olqylyq. Ony tez arada túzetý kerek. Ákimderdiń qolynan kelmese, tıisti sheshimderdi qabyldaımyn. Negizgi maqsat – tabysty bolyp kóriný emes, shyn máninde tabysty memleket bolý. Bul myzǵymas qaǵıda bolýǵa tıis. Elimizde jańa qoǵamdyq etıka qalyptasýy kerek. Onda eldiń birligi jáne turaqtylyǵy, azamattardyń ózara tilektestigi, ádildik, zań men tártip, senim jáne jaýapkershilik sııaqty qundylyqtar ústemdik qurýy qajet. Otanshyldyq, adamgershilik, bilimpazdyq, naǵyz maman bolý, únemshildik, eńbekqorlyq, el men jerge janashyrlyq sııaqty asyl qasıetter bárinen bıik turýǵa tıis. Osyndaı izgi qasıettiń bárin boıyna sińirgen jandy – Adal azamat degen bir aýyz sózben sıpattaýǵa bolady», - dedi Prezıdent.