Prezıdent Strategııalyq josparlaý agenttiginiń tóraǵasy Jandos Shaımardanovty qabyldady
Prezıdent Strategııalyq josparlaý jáne reformalar agenttiginiń tóraǵasy Jandos Shaımardanovty qabyldady, dep habarlaıdy Kazinform Aqordanyń resmı saıtyna silteme jasap.
Memleket basshysyna Qazaqstan ekonomıkasyndaǵy qurylymdyq jáne ınstıtýtsıonaldyq reformalardyń júzege asyrylýyna jasalǵan saraptama jumystary tanystyryldy.
Budan bólek, Prezıdentke ulttyq statıstıkany reformalaý jónindegi baǵdarlamanyń iske asyrylý barysy jáne Ulttyq statıstıka bıýrosyn tsıfrlyq vedomstvoǵa aınaldyrý jónindegi tapsyrmasynyń oryndalýy týraly málimet berildi.
Agenttik tóraǵasy memlekettik statıstıka jáne derekterdi basqarý máseleleri boıynsha zań jobasy ázirlengenin baıandady.
Kezdesý sońynda Qasym-Jomart Toqaev áleýmettik-ekonomıkalyq reformalardy sapaly ázirleý mańyzdy ekenin atap ótip, osy baǵyttaǵy jumysty jalǵastyrýdy tapsyrdy.
