Prezıdent strategııalyq mindetterdi sheshýge kásipkerlerdi tartý jóninde málimdedi
ASTANA. KAZINFORM — Qazaqstan halqyna Joldaýyn jarııalaý kezinde Prezıdent Qasym-Jomart Toqaev ınfraqurylymdy túbegeıli jańǵyrtý jumystarynda tek memleket resýrsyna súıenýge bolmaıtynyn aıtty.
— Búkil el azamattyq ınfraqurylymdy túbegeıli jańǵyrtýǵa jáne qaıta qurýǵa kirisedi. Alaıda strategııalyq mańyzy zor bul mindetti sheshýde tek memlekettik resýrstarǵa ǵana súıenýge bolmaıdy. Áıtpese, kásipkerlik belsendilik tómendep, paternalızmniń, ıaǵnı masyldyqtyń dáni (bul joly ekonomıkada) sebiledi. Onyń saldary bárimizge belgili, — dedi ol.
Memleket basshysynyń sózinshe, Úkimet uzaq merzimdi qarjylandyrýdyń barlyq kózderin jumyldyrýy kerek.
— Bul máseleni zań talaptaryn buzbaı, memleketimizdiń ıgiligine sheshý joldaryn qarjy qaýymdastyǵymen birlesip pysyqtaý qajet. Qabyldanyp jatqan sheshimderdiń logıkasy qarapaıym: memlekettik qarajat jeke ınvestıtsııalardy tartýǵa kepil bolýy tıis, — dedi ol.
Aıta keteıik, buǵan deıin Prezıdenttiń Qazaqstan Eýrazııanyń jetekshi logıstıkalyq ortalyǵyna aınalýy tıis degen málimdemesin jarııalaǵanbyz.
