Prezıdent sport ardageri Seıilda Baıshaqovtyń otbasy men jaqyndaryna kóńil aıtty
ASTANA. QazAqparat - Qasym-Jomart Toqaev qazaq fýtbolynyń ańyzyna aınalǵan dańqty sport ardageri Seıilda Baıshaqovtyń dúnıeden ótýine baılanysty onyń otbasy men jaqyn týystaryna kóńil aıtý jedelhatyn joldady, dep habarlaıdy Aqorda.
– Seıilda Ikramuly «Qaırat» fýtbol komandasynyń sapynda kóp jyldar boıy óner kórsetip, jasyndaı jarqyraǵan edi. Bilikti bapker retinde jastardy jeńiske jetýdiń qyr-syryna úıretip, elimizde osy sport túriniń damýyna zor úles qosty. Ómirde adal eńbek etip, óshpes iz qaldyrǵan Seıilda Ikramulynyń esimi men beınesi máńgi umytylmaıdy. Marqumnyń ımany salamat, jany jánnatta bolsyn, – dep jazylǵan jedelhatta.
Eske sala keteıik, biz buǵan deıin qazaq fýtbolynyń ańyzy Seıilda Baıshaqovtyń 72 jasynda dúnıeden ótkenin habarlaǵan bolatynbyz.
