Prezıdent: Sot júıesiniń táýelsizdigi – Ádiletti Qazaqstan qurýdyń basty sharty
ASTANA. KAZINFORM – Prezıdent Qasym-Jomart Toqaev elordada «Ákimshilik ádilet jáne onyń quqyq ústemdigin qamtamasyz etýdegi róli» atty halyqaralyq forýmda Zań men tártip qaǵıdatyna negizdelgen Ádiletti memleket qurý úshin aýqymdy reformalar júrgizilip jatqanyn aıtty.
– Biz Zań men tártipke baǵynatyn, barshaǵa birdeı múmkindik beretin Ádiletti Qazaqstandy qurý úshin aýqymdy jumys atqaryp jatyrmyz. Sondyqtan sot júıesiniń táýelsizdigin qamtamasyz etýge basa mán berip otyrmyz, – dedi Memleket basshysy.
1 shildede elimizdiń jańa Konstıtýtsııasy kúshine enedi. Osylaısha, Qazaqstan óz damýynyń sheshýshi kezeńine qadam basady.
– Men búgin bes konstıtýtsııalyq zańǵa qol qoıdym. Bul – jańa Konstıtýtsııaǵa sáıkes memlekettik basqarý júıesi «Kúshti Prezıdent – yqpaldy Quryltaı – esep beretin Úkimet» tujyrymdamasy negizinde túbegeıli jańǵyrady degen sóz. Osy quqyqtyq reformalar elimizde jasalyp jatqan áleýmettik-ekonomıkalyq ózgeristerge de tyń serpin bermek. Sóz sońynda Ákimshilik rásimdik-protsestik kodeksti ázirleýge jáne onyń normalaryn júzege asyrýǵa atsalysqan barsha azamatqa shynaıy rızashylyǵymdy bildiremin, – dedi Qasym-Jomart Toqaev.
Aıta keteıik, elordada Memleket basshysynyń qatysýymen eldegi ákimshilik ádiletke arnalǵan forým ótti.
Buǵan deıin Prezıdent ınvestıtsııalyq daýlardyń 80% ınvestorlar paıdasyna sheshilgenin aıtqan edi.
