Prezıdent sot aktilerin májbúrlep oryndatý boıynsha aqparat almasý týraly Jarlyqqa qol qoıdy
ASTANA. KAZINFORM — Qazaqstan Respýblıkasynyń Prezıdenti Qasym-Jomart Toqaev 2025 jylǵy 16 maýsymda «Sot aktilerin, ózge ýákiletti organdar men laýazymdy adamdardyń aktilerin májbúrlep oryndatý kezinde aqparat almasý jónindegi yntymaqtastyq týraly Jarlyqqa qol qoıdy.
— Sot aktilerin, ózge ýákiletti organdar men laýazymdy tulǵalardyń aktilerin májbúrlep oryndatý kezinde aqparat almasý jónindegi yntymaqtastyq týraly kelisimniń jobasy maquldansyn. Qazaqstan Respýblıkasy atynan sot aktilerin, ózge ýákiletti organdar men laýazymdy tulǵalardyń aktilerin májbúrlep oryndatý kezinde aqparat almasý jónindegi yntymaqtastyq týraly kelisimge eskertpemen qol qoıylsyn, — delingen qujatta.
Kelisim taraptardyń májbúrlep oryndatý organdarynyń atqarýshylyq qujatty májbúrlep oryndatý rásimderin júzege asyrý kezinde aqparat almasý jónindegi yntymaqtastyǵynyń negizgi baǵyttaryn aıqyndaıdy.
Kelisim sheńberinde aqparat almasýdaǵy maqsat — atqarýshylyq qujatty májbúrlep oryndatýdy qamtamasyz etý, sondaı-aq olardy oryndaý kezinde quqyqtyq kómekti paıdalaný tıimdiligin arttyrý.
Atalǵan qujatqa sáıkes, taraptardyń májbúrlep oryndatý organdary májbúrlep oryndatý rásimderin júzege asyrý kezinde mynadaı aqparatpen almasady:
— atqarýshylyq óndiris týraly;
— boryshkerdiń múliktik jaǵdaıy týraly;
— boryshkerdiń jumys orny, sondaı-aq onyń resmı tabys kózi, mólsheri týraly;
— boryshkerdiń ne onyń múlkiniń ornalasqan jeri týraly;
— sondaı-aq atqarýshylyq óndiris taraptarynan, ózge azamattardan jáne memlekettik organdardan alynǵan málimettermen, anyqtamalarmen jáne qujattarmen almasady.
Odan bólek, májbúrlep oryndatý organdary atqarýshylyq qujatty májbúrlep oryndatýdy qamtamasyz etý úshin qajetti ózge de aqparatpen almasa alady.
Atqarýshylyq óndiriske kelesi jaıttar jatady:
— suratylǵan taraptyń májbúrlep oryndatý organynda oryndalǵan (nemese oryndalýda) atqarýshylyq qujat týraly, suratýshy taraptyń aýmaǵynda boryshkerge qatysty berilgen;
— atqarýshylyq óndiristiń qozǵalǵan kúni jáne atqarýshylyq qujattyń oryndalýǵa qabyldanǵan kúni, atqarýshylyq qujattyń ataýy men nómiri, onyń talaptarynyń mazmuny, oryndalý kezeńi;
— óndirip alynǵan bereshek somasy, tárkilengen múlik, iske asyrylýǵa usynylǵan múlik jáne atqarýshylyq qujatty oryndaý nátıjesi týraly basqa da suraý salýda kórsetilgen málimetter, bul bir qujat boıynsha eki ret oryndatýdyń aldyn alý úshin qajet.
— Kelisimniń merzimi joq. Ár tarap kelisimnen shyǵýǵa quqyly, ol týraly jazbasha habarlamany depozıtarııge 3 aı buryn joldaıdy. Sondaı-aq kelisim qoldanylǵan ýaqyt ishinde týyndaǵan qarjylyq jáne ózge de mindettemeni retteıdi, — dep túsindirilgen kelisimde.
Kelisimniń tolyq nusqasymen silteme arqyly ótip tanysýǵa bolady.
Jarlyq 2025 jylǵy 16 maýsymda kúshine endi.
Eske salaıyq, birneshe jyl buryn elimizde sot aktileriniń oryndalýyn baqylaıtyn ınstıtýt engiziletini aıtyldy.