Prezıdent: Sońǵy eki jarym jylda úıdegi zorlyq-zombylyqtan 300 adam mert boldy

ASTANA. QazAqparat - Qasym-Jomart Toqaev Іshki ister mınıstrliginiń alqa májilisinde otbasyndaǵy turmystyq zorlyq-zombylyq máselesin kóterdi, dep habarlaıdy QazAqparat.

«Otbasyndaǵy turmystyq zorlyq-zombylyqtyń aldyn alý jumysynyń tıimdiligin arttyrýǵa erekshe nazar aýdarý kerek. Statıstıka kóńil kónshitpeıdi. Sońǵy eki jarym jylda úıdegi zorlyq-zombylyqtyń saldarynan 300 adam kóz jumdy. Densaýlyqqa aýyr zııan keltirýdiń 878 faktisi jáne ortasha zııan keltirýdiń 808 faktisi tirkelgen. Osyndaı quqyq buzýshylyqtar boıynsha 37 myńnan astam adam ákimshilik jaýapkershilikke tartyldy. Jaǵdaıdy túzeý úshin aldyn alý sharalaryn keshendi túrde júrgizý qajet. Bul jerde ýchaskelik ınspektorlar sheshýshi ról atqarady. Ýaqtyly sharalar qabyldansa, otbasylyq jáne turmystyq urys-keris kezinde jasalǵan qylmystardyń kópshiliginiń aldyn alýǵa bolar edi. ıAǵnı bireýdiń ómiri men densaýlyǵyn saqtap qalar edik. Muny tájirıbe kórsetti. Qoǵam sizderden otbasyndaǵy turmystyq zorlyq-zombylyqqa qarsy tıimdi ári júıeli is-áreket kútedi. Bul másele ádiletti memleket qurý úshin óte mańyzdy. Kóptegen áleýmettik keseldiń túp tamyry, sonyń ishinde qylmys kóbine turmysy nashar otbasylardan bastaý alady. Mundaı otbasylardaǵy zorlyq-zombylyqtar balalardyń sana-sezimine jáne psıhıkasyna keri áserin tıgizedi. Sondyqtan quqyq qorǵaý organdary adamdardyń qundylyqtar júıesi men minez-qulyq modelin ózgertýde sheshýshi ról atqara alady jáne atqarýy qajet», - dep atap ótti Memleket basshysy.