Prezıdent sońǵy kezde dinge qatysty kóne sózderimizdiń ornyna arab sózderi jıi qoldanylatyn aıtty

Prezıdent tilimizdiń basqa irgeles elderdiń tilderimen salystyrǵanda áldeqaıda taza ekenin aıtty.

— Mysaly, buryn óte sırek paıdalanǵan nemese múlde paıdalanbaǵan «tujyrymdama, qaǵıdat, jospar, syıaqy, shákirtaqy, eńbek ótili, keshendi, ámbebap, júıeli, tyńaıtqysh, janarmaı, kógaldandyrý, bosqyn, qyrǵı-qabaq soǵys, qoqan-loqy, lańkestik, esirtki, bitimgerlik kúshter, mámileger, ǵarysh, zymyran, jahan, ǵalamtor, tikushaq, jasandy sana, paıyz, synyp» sııaqty sózder tilimizde keń qoldanys tapty. Bul — jaqsy dúnıe, — dedi Qasym-Jomart Toqaev.

Memleket basshysy qajettiligi ekitalaı jasandy sózderdi de tizip ótti.

— Biraq ár jaqsy qubylystyń shegi bolýy kerek. Mysaly, «kúısandyq (pıanıno), qyltıma (balkon), sýburqaq (fontan), sebezgi (dýsh), qyryqqabat (kapýsta), únqaǵaz (gazet), jedelsaty (lıft), jelkóz (fortochka)» jáne taǵy basqa jasandy sózderdiń qajettiligi ekitalaı sııaqty. Sońǵy kezde dinge qatysty kóne sózderimizdiń ornyn arab sózderin jıi qoldaný sán bolyp ketti. Munyń da qajettiligine kúmán bar, — dedi ol.

Prezıdent osynyń bári — óte ózekti máseleler ekenin, sondyqtan kásibı ǵalymdar ózderiniń salmaqty pikirlerin ortaǵa salýy qajettigin jetkizdi.

— Til ǵylymyna qatysty ámbebap, bárine qoljetimdi tsıfrlyq júıe ázirleý mańyzdy. Bul mindetti memlekettik deńgeıde sapaly oryndaý úshin quramyna kásibı til mamandary, ǵalymdar, sarapshylar men jalpy qoǵam ókilderi kiretin arnaıy jumys tobyn qurǵan jón dep sanaımyn. Jumys tobynyń qyzmetin úılestirý Prezıdent Ákimshiligine júkteledi, — dedi Toqaev.

Aıta keteıik, Memleket basshysy Qasym-Jomart Toqaev Halyqaralyq «Qazaq tili» qoǵamynyń H quryltaıynda sóz sóılep jatyr.

Prezıdent qazaq tiliniń abyroı-bedelin arttyrý úshin tabandy jumys isteý kerektigin aıtty.

Jańa Konstıtýtsııada «Táýelsizdik» jáne «Egemendik» sózderin bas árippen jazylatyn boldy.