Qasym-Jomart Toqaev Soltústik Makedonııa Prezıdentimen kezdesti

ASTANA. KAZINFORM – Memleket basshysy mártebeli meımanǵa iltıpat bildirip, onyń sapary Astana men Skope arasyndaǵy dıplomatııalyq qarym-qatynastardyń 30 jyldyǵy qarsańynda ótip jatqanyn atap ótti. Bul týraly Aqordanyń baspasóz qyzmeti habarlady. 

– Qazaqstan Soltústik Makedonııamen jan-jaqty seriktestikti damytýǵa múddeli jáne Sizdiń elińizdi Balqan túbegindegi senimdi áriptes retinde qarastyramyz, – dedi Qasym-Jomart Toqaev.

Gordana Sılıanovska-Davkova Qazaqstanǵa shaqyrǵany úshin Prezıdentke alǵys aıtyp, ekijaqty yqpaldastyqty odan ári nyǵaıtýǵa zor áleýet bar ekenin jetkizdi.

Taraptar saýda-ekonomıkalyq, ınvestıtsııalyq jáne gýmanıtarlyq salalardaǵy yntymaqtastyqty egjeı-tegjeıli talqylady.

Prezıdentter Qazaqstan-Soltústik Makedonııa qarym-qatynastarynyń barlyq salasyna tyń serpin berýge ýaǵdalasty. Ásirese, aýyl sharýashylyǵy, kólik-logıstıka, qarjy jáne týrızm sııaqty perspektıvti baǵyttarǵa nazar aýdaryldy.

Memleketter basshylary Soltústik Makedonııanyń tanymal Alkaloid farmatsevtıkalyq kompanııasynyń Almatyda ókildik ashý týraly sheshimin quptady.

Budan bólek, halyqaralyq kún tártibindegi ózekti máseleler týraly pikir almasty.

Aıta ketelik Memleket basshysy Germanııa Býndesratynyń Prezıdenti Anke Relıngermen kezdesken edi.