Prezıdent sógisinen keıin Kólik mınıstrligi sybaılas jemqorlyq táýekelderine taldaý júrgizedi
ASTANA. KAZINFORM – 20 mamyrda Kólik mınıstrliginde ishki taldaý jumystary bastalady.
- Qazaqstan Respýblıkasy Kólik mınıstrligi 2025 jylǵy 20 mamyrdan bastap Tsıfrlandyrý jáne memlekettik kórsetiletin qyzmetter departamentteriniń qyzmetinde sybaılas jemqorlyq táýekelderine ishki taldaý júrgizýdiń bastalatyny týraly jurtshylyqty habardar etedi, - delingen vedomstvo taratqan habarlamada.
14 mamyrda Prezıdent Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik keńesiniń kólik-logıstıka salasyn damytý máseleleri jónindegi otyrysy ótti.
Memleket basshysy kólik salasyndaǵy ahýaldy synǵa aldy. Qordalanǵan problemalar men belgilengen mejelerdiń oryndalmaýy jańǵyrtý jumystaryn júrgizýge kedergi keltirip otyr.
Jıyn sońynda Prezıdent Kólik mınıstri Marat Qarabaevqa jumys barysynda jibergen kemshilikteri úshin sógis jarııalady.