Prezıdent sógis jarııalady: Kólik mınıstri óziniń aldaǵy jumysyna qatysty pikir aıtty
ASTANA. KAZINFORM – Prezıdent sógis jarııalaǵannan keıin, QR Kólik mınıstri Marat Qarabaev óziniń aldaǵy jumysyna qatysty pikir aıtty.
- Mınıstrliktiń barlyq qyzmetkeri Memleket basshysynyń bizdiń vedomstvonyń aldyna qoıǵan tapsyrmalaryn ýaqytyly ári sapaly oryndaýǵa ekpin qoıady. Osy memlekettik organnyń birinshi basshysy retinde jeke ózime júktelgen senimdi aqtaý úshin bar kúsh-jigerimdi salamyn, - dedi M.Qarabaev Senatta joldardyń máselesin talqylaýǵa arnalǵan Úkimet saǵatynan keıin tilshiler suraǵyna jaýap bere otyryp.
Bul turǵyda ol vedomstvo jumysynyń sapasyn kóterýge erekshe mán beretinin atap ótti.
Eske salsaq, jaqynda Prezıdent Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik keńesiniń kólik-logıstıka salasyn damytý máseleleri jónindegi otyrysy ótti.
Jıyn barysynda Memleket basshysy Kólik mınıstri Marat Qarabaevqa jumys barysynda jibergen kemshilikteri úshin sógis jarııalady.